"كلمات دحمان الحراشي "ناس الحومة
اضغط هنا لقراءة المزيد من كلمات وقصائد الشعبي الجزائري

يا حسراه يا حسراه على ذوك الأيامات
مدى زينة وفاتوا

ناس الحومة في هواهم وأنا في حومتي غريب
ما صبت لا صديق لا حبيب
واحد فيهم ما عقلتو ما عرفوني منين جيت

مشيت نزور في بلادي ناس الحومة والدشور
ورجعت لحومتي ندور
واحد فيهم ما عرفتوولي نعرف ما نقيس
لقديم ما بان في حياتو ما عرفت بعيد لا قريب
راهو مسافر ولا غريب
ولا مضيع في وقاتو كي بحالي شحال ما جريت

ناس الحومة في هواهم وأنا في حومتي غريب
ما صبت لا صديق لا حبيب
واحد فيهم ما عقلتو ما عرفوني منين جيت

يا حسرا كلهم راحوا ولي نلقاه يبقى يزيد
في كلامو ولا يفيد
شحال من واحد لي سألتو غير لي يقولي نسيت
واين هوما لي واجبوني لي قريت معاهم فالمسيد
خلاوني هكذا وحيد
واحد فيهم ما عقلتو ما عرفوني منين جيت
ناس الحومة في هواهم وأنا في حومتي غريب
ما صبت لا صديق لا حبيب
واحد فيهم ما عقلتو ما عرفوني منين جيت

لحباب لكلهم راحوا سبحان الله شي عجيب
وفراقهم جاني صعيب
هذي مدة وسنين فاتوا ماوجبوني ولا بطيت
الغريب ما براولو جراحو ما صاب لا دوا لا طبيب
نيرانو لاهبة لهيب
لي تمنى هكذا صراحو كي بحالي هكذا نغيض

ناس الحومة في هواهم وأنا في حومتي غريب
ما صبت لا صديق لا حبيب
واحد فيهم ما عقلتو ما عرفوني منين جيت

ناس الحومة في هواهم وأنا في حومتي غريب
ما صبت لا صديق لا حبيب
واحد فيهم ما عقلتو ما عرفوني منين جيت