"كلمات دحمان الحراشي "قالولي عليـك الناس
اضغط هنا لقراءة المزيد من كلمات وقصائد الشعبي الجزائري

قالولي عليك الناس كذّبتهم او لاموني
معرفتك ما تسواش ربحت معاك غير الدوني

ما عندي واش نحكيلك افهم روحك يا إنسان
بلاك الوعد يجيبك راك عارف بلي غلطان
أنا لي قاري عيبك وانت ما زالك نعسان
يا من درى نهار نصيبك واش تقولي يا فلان
خليك خليك عندك شي كلام قباح او جرحوني

قالولي عليك الناس كذّبتهم او لاموني
معرفتك ما تسواش ربحت معاك غير الدوني

وعلاش هكذا ما نغيضك يا لي ناكر الإحسان
مايزيد واحد يفيدك كي فعلك ولّى مشيان
مابقى واحد حبيبك لي يسمعلك كيف زمان
لايشريك ولا يبيعك يالي ناقص فالميزان
خليك خليك عندك شي كلام قساح وهلكوني

قالولي عليك الناس كذّبتهم او لاموني
معرفتك ما تسواش ربحت معاك غير الدوني

هذا هو تمثيلك بين الناس كيفاش تبان
أنت لي عملتها بيدك بنيت الصور بلا بنيان
واش من خير لي يفيدك يالي قدرك راه ذبال
مازال الوعد يزيدك وانت في عقلك دهشان
خليك خليك شافوك العبد عرفوك او عرفوني
قالولي عليك الناس كذّبتهم او لاموني
معرفتك ما تسواش اربحت معاك غير الدوني

قالولي عليك الناس كذّبتهم او لاموني
معرفتك ما تسواش اربحت معاك غير الدوني