Dahmane El Harrachi - دحمان الحرّاشي
Dak Elmaqnine Ezzine | ذاك المقنين الزين
"كلمات دحمان الحراشي "ذاك المقنين الزين
اضغط هنا لقراءة المزيد من كلمات وقصائد الشعبي الجزائري

ذاك المقنين الزين لي هويتو ما هو من والا
خلّى عقلي دهشان يا وخيي راني في حالة
ذاك المقنين الزين لي هويتو ما هو من والا
خلّى عقلي دهشان يا وخيي راني في حالة

غاروا منّو لطيور عليه سر من ربّنا تعالى
هو مفتاح الدّار وراس مالي في كل عمالة
الرّيش رطب حرير شحال شباب يزين الحالة
ماعرفتو منينو جاي جاي من الشّرق ولا ملڨبالة

ذاك المقنين الزين لي هويتو ما هو من والا
خلّى عقلي دهشان يا وخيي راني في حالة
ذاك المقنين الزين لي هويتو ما هو من والا
خلّى عقلي دهشان يا وخيي راني في حالة

ذاك المقنين الصغير فيه خانة وعينو مذبالة
يعجبني كيف يطير يروح ويولّي لعندي قبالة
خطرات يروح يغيب يهيج عقلي وكي نشوفو لا لا
خطرات في نهار لخميس نهار الجمعة نصيبو فالسقالة

ذاك المقنين الزين لي هويتو ما هو من والا
خلّى عقلي دهشان يا وخيي راني في حالة
ذاك المقنين الزين لي هويتو ما هو من والا
خلّى عقلي دهشان يا وخيي راني في حالة
ذاك المقنين ظريف طار فرفر راح لمليانة
وقيلة راهو ضيف عند ناس ويقعد سمانة
شتا وربيع وصيف والخريف حياتو فرحانة
نكتب عليه ألف ألف مرّة ونزيد البسمالة

ذاك المقنين الزين لي هويتو ما هو من والا
خلّى عقلي دهشان يا وخيي راني في حالة
ذاك المقنين الزين لي هويتو ما هو من والا
خلّى عقلي دهشان يا وخيي راني في حالة