"كلمات دحمان الحراشي "إلا كانك عوّام
اضغط هنا لقراءة المزيد من كلمات وقصائد الشعبي الجزائري

[اللازمة]
إلا كانك عوام ساعف الموجة في البحر
و ساعف الزمان ، العام فيه 12 شهر
إلا كانك عوام ساعف الموجة في البحر
و ساعف الزمان ، العام فيه 12 شهر
شيء ظاهر يا انسان ، ما يفريها غير الصبر
شيء ظاهر يا انسان ، ما يفريها غير الصبر

[الجزء الأول]
خذ ما اعطاك الرحمان ، وأطلب الصحّة والستر
مكسي ولّا عريان ، أمرفه ولا بالفقر
أصبر على لمحان ، خذ ما عطاك السعد والزهر
واش قالو ناس زمان ، الحق لزملو ينذكر
أجعل روحك حمام ، لي طابو حجارو على الجمر
ولا اجعل روحك في منام ، زاهي وضاوي عليك القمر
كن فاهم يا انسان اللهم هذا و لا أكثر
كن فاهم يا انسان اللهم هذا و لا أكثر

[اللازمة]
إلا كانك عوام ساعف الموجة في البحر
و ساعف الزمان ، العام فيه 12 شهر
إلا كانك عوام ساعف الموجة في البحر
و ساعف الزمان ، العام فيه 12 شهر
شيء ظاهر يا انسان ، ما يفريها غير الصبر
شيء ظاهر يا انسان ، ما يفريها غير الصبر
[الجزء الثاني]
قبلك فاتو شبان كي بحالك وقالو أكثر
أنت همك وين يبان ، يا الغافل ما جبتشي خبر
لقلق من الشيطان ، والميزان يمشي بالعبر
ولي قلبو شبعان ، عاطي لدنيا بالظهر
اجعل روحك أجنان ، عطشان يستنى في المطر
ولا أجعل روحك سلطان ، ساكن في سرايا وفي قصر
كون عاقل يا انسان ، كاين لي مسكين لي ما فطر
كون عاقل يا انسان ، كاين لي مسكين لي ما فطر

[اللازمة]
إلا كانك عوام ساعف الموجة في البحر
و ساعف الزمان ، العام فيه 12 شهر
إلا كانك عوام ساعف الموجة في البحر
و ساعف الزمان ، العام فيه 12 شهر
شيء ظاهر يا انسان ، ما يفريها غير الصبر
شيء ظاهر يا انسان ، ما يفريها غير الصبر

[الجزء الثالث]
يا الغافل رد البال ، كي تستر روحك تنستر
اسمع لهاذ الفال ، براكة زيادة في العمر
الحرام ما يكون حلال ، دين الله يا أخي جهر
كل واحد واش يسال ، في نفسو بلاك يندعر
أجعل روحك برهان ، بالسعادة والحمد والشكر
ولا أجعل روحك فرحان ، في بابور ماشي لسفر
كن صابر يا انسان ، ولي ما صبرشي ينقهر
كن صابر يا انسان ، ولي ما صبرشي ينقهر
[اللازمة]
إلا كانك عوام ساعف الموجة في البحر
و ساعف الزمان ، العام فيه 12 شهر
إلا كانك عوام ساعف الموجة في البحر
و ساعف الزمان ، العام فيه 12 شهر
شيء ظاهر يا انسان ، ما يفريها غير الصبر
شيء ظاهر يا انسان ، ما يفريها غير الصبر

[اللازمة : بصوت دحمان الحرّاشي]
إلا كانك عوام ساعف الموجة في البحر
و ساعف الزمان ، العام فيه 12 شهر
إلا كانك عوام ساعف الموجة في البحر
و ساعف الزمان ، العام فيه 12 شهر
شيء ظاهر يا انسان ، ما يفريها غير الصبر
شيء ظاهر يا انسان ، ما يفريها غير الصبر