Manich nghani rap bech ya3tiouni disque d’or
Wela y9oulou psyco m fi rap enti le plus fort
Ena manich nghani rap w nestana fi tasfi9
Na3ref beli ch’ohra 7elm yjik nhar menha w tfi9
W ki tfi9 ma tal9a 3andek aucune identité
Matfara9ch bin les mirage et la réalité
Les pensée mta3ek limité wel mo5 mta3ek ma7doud
Par exemple 5adem mo5ek fi ma 9abl el wojoud
Fel gh’aib fel 5oloud fi rou7 fel mè wara2iyet
Taw ydhi3 3lik el 7a9 we yenghames fi chobouhèt
Na7kilek kima akeya ndhaker fik laken nsit
Li el insen 9ad ma yousel bih el 3elm yab9a bsit
9ad ma yatla3 w yetawer dima tal9a fih 3oyoub
3titek el we9a3 w bech na3tik el matloub
Mat3amalch 3la mo5ek! mo5ek mahouch dima s7i7
Mo5ek kima wra9 l’5rif eli tayarha erri7
Parfois yhezek lel 7a9 w parfois lel en7iraf
W ken hazek lel en7iraf adheka mnech n5af
Tokther choubouhet 3lik w tzid t7ir
Fi denia ma y3oud 3andek 7atta dawr w ta2thir
Ma y3oud 3andek 7atta ra2y, 7atta 9ima, 7atta feida
Alors, blastek fi denia twali zeida
El 3a9l wa7dou ma ykafich lazmek m3ah dhawebet
Lazmek el 7ekma bech 3al 7a9 tab9a thabet
W na3ref eli b’klemi que je vais pas changer le monde
Adheka 3lech manich nghani rap bech n3oud légende
Wela y9oulou hedha y5arej des albums kif les bombes
5ater ghodwa mani hèz m3aya chay dans la tombe
Ena just 3abd men 3ibed ra7men
N9oul fi klem rzin m3abi kolou bayen
Ena manichi 7aja kbira ena 7a9ir amam allah
Netmana nkoun 3abd s7i7 wel 7a9 dima m3ah
E rap 3andi wasila mahouch ghaya
Nousel w nwasil bih ennes lel hidaya
Nwasel ennes ta3ref 79i9etha fel 7yet
Parce que rap kil math mefta7 li ma3reft edh’t
Malgré manich imem w manich 5atib
Mais yomken tchouf leklem mta3i chwaya s3ib
5ater ne3tamed el 3ilm rapi mrakez 3la la science
Yomken ykoun adheka howa sbab ma puissance
W netaba3 tari9et w manhaj el ba7th 3al 7a9i9a
W en parallele nemchi m3a din 5ater 3andi fih thi9a
Klemi howa el fasl bin el 3a9l wel jonoun
Wel manta9 nettaba3 ma na3tich ra2t bi dhonoun
Rap mta3i mélange bin el borhen wel manta9
W résultat tal9a el 7a9 wa7dou 9a3ed yonta9
Na9der nrodou njaweb bih 3la chobouhet
W n7awel bih nraja3 el mabade2 li tenssèt
W impossible nkoun kima el falasifa eli dha3ou
Ndefa3 3la chay w ndefa3 3la na9idh mta3ou
Alors, ne9felhom kima w9ef 9bal so9rat
N7a9a9 fel e5tilafat w nsa7a7 el aghlat
W n7a9a9 fi en7iraf el fekr wel a3mel
W njadel kol insen 9albou 3al 7a9 mèl
Enfin rap mreya ta3kes cha5siet sa7ebha
W les paroles etarjem 9owet el insen li ktebha
Yomken ykoun rap mta3i dangeureux w 9atel
Erap 7a9 w fekret el insen t7eb el batel
W tri9 el 7a9 s3ib wel 7a9 matloub il thetou
Barcha nes tab3ou tri9 mta3ou ya5i mètou
Yomken tkoun la fin mta3i la chaise électrique
Yonkrouni kil kenisa 9bal nakret Copernic
Ama nchallah nkoun la5er nhar 3and wa3di
Nmout w les paroles mta3i tab9a 7aya ba3di