[Testo di "Lazzarella"]

[Strofa 1]
Ch'e libbre sott'ô vraccio
E 'a camicetta a ffiore blu
Vuó fá 'a signurenella
'Nnanz'â scola pure tu
Te piglie 'a sigaretta
Quann' accatte pe' papà
Te miette già 'o rrussetto
Comme vide 'e fá a mammá
Lazzarè!

[Ritornello 1]
Ma, lazzarella comme sî
A mme me piace sempe 'e cchiù
E vengo apposta pe' t' 'o ddí
Vicino 'a scola d' 'o Gesù
Tu invece mme rispunne: "E ggiá
I' deve retta proprio a tte!
Pe' mme ll'ammore pò aspettá
Chе nn'aggia fá? Nun fa pe' me"
Ah, lazzarella
Vеntata 'e primmavera
Quanno passe, tutt' 'e mmatine
Già te spiecchie dint'ê vvetrine
Sulo 'nu cumplimento te fa avvampá
Ma, lazzarella comme sî
Tu nun mme pienze proprio a me
E ride pe' m' 'o ffá capí
Ca perdo 'o tiempo appriess'a te
[Strofa 2]
Mo vène 'nu studente
'Nnanz'â scola d' 'o Gesù
Te va sempe cchiù stretta
'A camicetta a ffiore blu
Te piglie quatto schiaffe
Tutt' 'e vvote ca papá
Te trova 'nu biglietto
Ca te scrive chillu llà
Lazzarè!

[Ritornello 2]
E, lazzarella comme sî
Ce sî caduta pure tu
Ll'ammore nun te fa mangiá
Te fa suffrí, te fa penzá
'Na sera tu lle dice: "No"
'Na sera tu lle dice: "Ma"
Ma si 'nu vaso te vò dá
Faje segno 'e "sí", senza parlá
Ah, lazzarella
'O tiempo comme vola!
Mo te truove tutt' 'e mmatine
Chino 'e lacreme 'stu cuscino
Manco 'na cumpagnella te pô aiutá
E chiano chiano, mo accussí
Te sî cagnata pure tu
E te pripare a ddì 'stu "Sí"
Ma dint'â Cchiesa d' 'o Gesù
[Bridge]
Ah, lazzarella
'O tiempo comme vola!
Mo te truove tutt' 'e mmatine
Chino 'e lacreme 'stu cuscino
Manco 'na cumpagnella te pô aiutá
E chiano chiano, mo accussí
Te sî cagnata pure tu
E te pripare a ddì 'stu "Sí"
Ma dint'â Cchiesa d' 'o Gesù

[Outro]
Lazzarè, mo sî già mammà!