[المقدمة]
النهاردة سمعت منها كلام عنها وعني
كلامها أثر فيا خلى
دموعي تنزل غصب عني
وقالتلي

[المقطع الأول]
دخلت حياتي في وقت كنت ضعيفة فيه
غيرت رأيي وقلت لسه الناس بخير
وبقيت مهم عندي عارف قد إيه
خليتني أحب الحب لأ وكمان بغير
غيرت مشاعري بقيت بحب وعارفة أحس
بعد أما كنت رافضة فكرة الارتباط
بقى عندي إنت أغلى حد عندي بس
بقى عندي إنت خلاص بطل كل الحكايات

[اللازمة]
إنت إختيار من بعد صبر سنين كتير
إنت السند والضهر والحب الكبير
إنت الرجولة كلها ما فيهاش كلام
إنت اللي بتحسسني دايماً بإهتمام
قالتلي إنت مصدر سعادتي في الحياة

[المقطع الثاني]
قالت عاملني إني بنتك لو غلطت (آه)
وأنا وعد مني إني عمري ما أزعلك
وعمري ما أزعل منك إنت مهما قلت
وأنا من البداية في كل حاجة هسألك
قبل أما تبقالي حبيب إبقالي أب
أحس بأمان في حضنه، يدافع عن حياتنا
وأما أبقى أم هفضل أدعي وأقول يا رب
أعيش وأموت في حضنك وفي حضن ولادنا
[اللازمة]
إنت إختيار من بعد صبر سنين كتير
إنت السند والضهر والحب الكبير
إنت الرجولة كلها ما فيهاش كلام
إنت اللي بتحسسني دايماً بإهتمام
قالتلي إنت مصدر سعادتي في الحياة

[الخاتمة]
قالتلي إنت مصدر سعادتي في الحياة