[المقطع الأول]
وعجبي عليك يا زمان
ع اللي راحوا من زمان
رجعوا لما كبر مقامنا
وبان علينا الخير
عجبي ع اللي إحنا فيه
جم في إيه وماشيين في إيه؟
ده اللي سابنا في وقت محنة
مالوش علينا جميل

[اللازمة]
شربنا من الجرح كاس
وقفلنا السكة دي خلاص
ياما ناس إرتاحوا لما
سابوا أقرب ناس
مش إنتوا نسيتوا اللي كان
ضحيتوا بليالينا زمان
كل حد يروح لحاله
كفاينا كلام

[المقطع الثاني]
وعجبي عليك يا زمان
ناس كتير بتقول كلام
وأما ساعة الجد تيجي
يتنسي اللي إتقال
عجبي ع اللي إحنا فيه
ليه بننسى العِشرة ليه؟
إحنا مالنا؟ إيه جرالنا؟
كل يوم ليه في حال؟
[اللازمة]
شربنا من الجرح كاس
وقفلنا السكة دي خلاص
ياما ناس إرتاحوا لما
سابوا أقرب ناس
مش إنتوا نسيتوا اللي كان
ضحيتوا بليالينا زمان
كل حد يروح لحاله
كفاينا كلام