Do steit dä do un määt se aan, die Hipp vüm Nüümaat
Die Bunnestang, dat jecke Halvjehang
Dat es doch mindestens zehn Johr älder wie dä
Hätt kromme Bein, die Hipp vüm Nüümaat
En Hokenas, en platte Hühnerbruss
Ich ben doch mindestens dubbelt esu schön wie dat

Dat jehöt op d'r Müll oder die Jeisterbahn
Wer Jeschmack hätt, pack doch sujet janit aan
Nä nä

Su'n afjebrühte Hipp vum Nüümaat
Worüm poussiert dä dat, als wör et en Dam'
Lööt mich he stonn, als wie jeschnedde Bruut

Vürjester han ich dem noch Hemde jeschenk
E paar Lackschoh un en fass ech joldene Uhr
E Halsdooch un e leich beschädich Auto
De Stüür un och de Versicherung bezahlt

Dat jehöt op d'r Müll oder die Jeisterbahn
Wer Jeschmack hätt, pack doch sujet janit aan
Nä nä

Jetz jeit dä met dä Hipp vum Nüümaat
Wo ich dem immer doch esu treu war
Jetz es dä fott un luurt mich nit ens mih aan
Ich jonn en d'r Rhing - Oh je
Ich dun Jeff en d'r Wing - Oh je
Ich pack et - un klatsch et
Vum Finster direk op d'r Mess

Su'n afjebrühte Hipp vum Nüümaat
Söns meint dat noch, et wür en Dam

Dat jehöt op d'r Müll oder die Jeisterbahn
Wer Jeschmack hätt, pack doch sujet janit aan
Nä nä