[المقطع الأول]
بتوصفني بكلام مش فيا
سمعت الوصف وإتخضيت
ما تيجي وهات عينيك في عينيا
وقولها في وشي لو حبيت
هتعرف قيمتي، مش دلوقتي
هتصحى وهتلاقيني مشيت
خلاص أنا مش هضيع وقتي
ما أنا إتعلمت وإتربيت

[اللازمة]
ليه شايفك حد ما أعرفهوش؟
بمعنى أصح عني غريب
كلامك لسه ما نسيتهوش
بعيده وأرجعه بالترتيب
طريق الكدب بقى مفروش
طريقك غير طريقي أكيد
فراقنا نصيب وما إخترتوش
وهبعد وإنت روح لبعيد

[المقطع الثاني]
شايفني إزاي؟ كلامك جارح
لو إنت مكاني مش هتسامح
وأعدي وأقول ما يقصدشي
ويجي بكرة بجرح إمبارح
شايفني إزاي؟ يا ريت قولي
زرعت الزرعة، إيه طارح؟
وجع ودموع وده إللي فضلي
ولوم نفسك وأنا مسامح
[اللازمة]
ليه شايفك حد ما أعرفهوش؟
بمعنى أصح عني غريب
كلامك لسه ما نسيتهوش
بعيده وأرجعه بالترتيب
طريق الكدب بقى مفروش
طريقك غير طريقي أكيد
فراقنا نصيب وما إخترتوش
وهبعد وإنت روح لبعيد