[المقطع الأول]
ظلموكي لما قالوا إن إنتي للقمر شبيه
قمر ده إيه إللي يتقارن حبيبي أنا بيه
لو جيت أكتب كلام عنك بحتار أنا أكتب إيه
لو هحكي شريط حياتي، إنتي أحلى حاجة فيه
مش عارف إيه إللي بيحصل فيا لما تنادي إسمي
بحس إن الأدرينالين بيجري جوة دمي
يا كل حاجة ليا، إنتي بنتي وإنتي أمي
عايز أقولك إن أنا مجنون بيكي رسمي

[اللازمة]
حبي كل يوم يزيد، صعب يجي يوم يقل
حتى لو ما فيش جديد عمري منك يوم ما أمل
لما أكون مخنوق بيبقى حضنك إنتي هو الحل
ده إنتي وش السعد، لما جيتي الخير معاكي هل
صعب نتغير في يوم، صعب نبقى زيهم
يا رب الضحكة تدوم على وشك يا ستهم
أحلى حاجة فيكي هي إنك غيرهم كلهم
حبيبتي حبنا صعب يستوعبه عقلهم

[المقطع الثاني]
بيحسدونا ونفسهم يشمتوا مرة فينا
مستنينا نبعد وبيتمنوا الشر لينا
بس إللي بينا أكبر منهم، ربنا حامينا
يا رب إبعدهم عنا ومن عيونهم تدارينا
ما فيش في الكون ده كله حاجة تخليني أخسرك
ده أنا أهد الكون كله لو في مرة زعلك
بحبك، آه بحبك، دايب فيكي وبعشقك
أنا لو هتمنى حاجة هتبقى إني أبسطك
[اللازمة]
حبي كل يوم يزيد، صعب يجي يوم يقل
حتى لو ما فيش جديد عمري منك يوم ما أمل
لما أكون مخنوق بيبقى حضنك إنتي هو الحل
ده إنتي وش السعد، لما جيتي الخير معاكي هل
صعب نتغير في يوم، صعب نبقى زيهم
يا رب الضحكة تدوم على وشك يا ستهم
أحلى حاجة فيكي هي إنك غيرهم كلهم
حبيبتي حبنا صعب يستوعبه عقلهم