شوف تقولك
أغنية دام

تامر النفار

خلينا نحكي عبلاطة، ليش نلف وندور بهالموضوع نحكي
بصراحة، كنا نقول مشلول ما كنا نقول صاحب
اعاقة، لحد ما الوالد مرق حادث وغير كل
حياتنا، بدارنا فجأة صرنا 7 افراد
كنا 4 أخوان كنا أب وأم وكرسي عجال (كرسي عجال؟)
الكرسي عجال بحد ذاته فرد، بكل مشوار تعملو حساب
أذا في دراج يعني فش مشوار اذا فش دراج هل في ممر؟
اذا في ممر هل في وساع ولا ضيق؟
شايفينها مصيبة بحجم جبل، وهو شايف الف
طريقة لتسلق جبل، معطينا أمل
كان يمزح، لو فتت انتخابات ٫انا ضامن كرسي
يابا، بنتقزم جنبك، إعاقتك مرآة لضعفي

سهيل النفار - لازمة

دكتور قاللي كيف بدك تكون محامي
نظرك عاجز ضل بالبيت
يما خليني أطلع برة
اطلع كل اللي عندي جوة لا تقوليلي فيي عيب
دكتور قاللي كيف بدك تكون محامي
نظرك عاجز ضل بالبيت
يما خليني أطلع برة
اطلع كل اللي عندي جوة لا تقوليلي فيي عيب
محمود جريري

مجتمع بناء؟ على مين بنضحك على مين بنضحك
هم همة طاقة وقوة واحنا بنهمش بعقلهم
بفكرهم بعلمهم باحساسهم حلمهم هو
تحقيق ذاتهم فا مدو ايدكم بدل ما تمدو اجركم
يعني يعني لما تبني فكر باللي ما بيمشي
يعني يعني لما تعلم فكر باللي ما بيحكي
يعني، هادا مني، مش مختلف عني
مش شايف متلي، بس ممكن يغير العالم ويبني
فا كم عالم بنحبط؟ كم من كاتب بنحرم؟
كم حالم بنظلم؟ كم عاشق بنرفض؟
عشان، مش فاهمين بنحكمهم بال-لا امكانية
عشان، مش واعيين بنحكمهم بال-لا انسانية

سهيل النفار - لازمة


دكتور قاللي كيف بدك تكون محامي
نظرك عاجز ضل بالبيت
يما خليني أطلع برة
اطلع كل اللي عندي جوة لا تقوليلي فيي عيب
دكتور قاللي كيف بدك تكون محامي
نظرك عاجز ضل بالبيت
يما خليني أطلع برة
اطلع كل اللي عندي جوة لا تقوليلي فيي عيب
حبسوني بالزنزانة عشان للشعب غنيت
انا بصري فقدته ومع كل هاد وصلت كل بيت وبيت

تامر نفار و محمود جريري

الشيخ امام، الشيخ امام، طه حسين، بردو هين
ستيفين هوكينج، راي تشارلز، ستيڤي ووندر
فش اعاقات بل في طاقات هاي هتافات لاحتياجات
هاي شخصيات باختراعات لا تمنع منهم الادوات

الشيخ امام، الشيخ امام، طه حسين، بردو هين
ستيفين هوكينج، راي تشارلز، ستيڤي ووندر
فش اعاقات بل في طاقات هاي هتافات لاحتياجات
هاي شخصيات بترقص الكون لا تمنع منهم الايقاعات

سهيل النفار - لازمة


دكتور قاللي كيف بدك تكون محامي
نظرك عاجز ضل بالبيت
يما خليني أطلع برة
اطلع كل اللي عندي جوة لا تقوليلي فيي عيب
دكتور قاللي كيف بدك تكون محامي
نظرك عاجز ضل بالبيت
يما خليني أطلع برة
اطلع كل اللي عندي جوة لا تقوليلي فيي عيب