DAM
Witch`s Intifada - انتفاضة الساحرة
أنتفاضة الساحرة
عبير الزيناتي تستضيف سهيل النفار من دام
عبير الزيناتي
أبدا تعود تشوف بنات تقدر تعمل اللي بتعمله
مش صبايا تغني وبس ألا نساء ترجع للغنا أصله
اه انا صابرينا الساحرة
وهاد وجهي الحقيقي
لا بدي بيتك ولا بدي انك تيجي تنقذني وتتجوزني
بدي اسمع واعمل هيب هوب شرقي فاصلة اباحي
تخليك تبطل تستحي وتضحك لما تسمع اسمي
بقدر اساوي اللي بتساوي وزيادة
بضعفش قبال زلمة ولا قبال اي عادة
الاختلاف بينا هلقد صغير انها اهانة
لكل جنسك اللي طافاني من اراؤه النعسانة
انا اللي كتبت انا اللي لحنت انا اللي غنيت
انا اللي راح تجيب جيش بنات يكمل عني اذا نقتلت قبل ما يخلص البيت
لازمة-سهيل النفار
اوه اجتك الساحرة
اوه قدامها سكوت وراها عاصفة
اوه
انتفاضة الساحرة كل الحواجز كاسرة
عبير الزيناتي
أنولدت باللد
وضليت باللد
قد ما اللدادوة هدوا بيتي
أنولدت باللد
وضليت باللد
قد ما اللدادوة لغوا صوتي
كنت بدي منصة
اطلعها ما لحقت لفترة يئست
قد ما بنات قابلت ملان اغاني كتبت
ثورة جديدة خلقت
صوتي قوي دفتر احلامي فضي
صار كتاب خطط كيف اخلي المنصة شيتك تحلم في
واليوم يمكن انا مش ليدي والشباب بيهربوا بدل ما يوقعوا بحبي
بس انا مسؤولة عحالي واللي بدو اياني كيف ما انا بدو يحبني
لازمة-سهيل النفار
اوه اجتك الساحرة
اوه قدامها سكوت وراها عاصفة
اوه
انتفاضة الساحرة كل الحواجز كاسرة
عبير الزيناتي
ركزي منيح
وفتحي عيونك
تخافيش قيمي ايديك عن تمك
قومي واطلعي اذا الكل وقف ضدك
اذا انت ما تحركتيش ما حد راح يسآل عنك
فاهمة انه صعب كنت ولساتني هناك
اوعي تلخبطي فرقي بين الهدف هاد وهداك
واذا تعبتي تضايقيش عغيرك
في كتار هون عن حقهن مش متنازلات
لازمة-سهيل النفار
اوه اجتك الساحرة
اوه قدامها سكوت وراها عاصفة
اوه
انتفاضة الساحرة كل الحواجز كاسرة
عبير الزيناتي
لك ريتها هي كانت انا
بديش بديش اكون انا هي
لو وقفت قبالهم بمبدآ ونقتلت بعد ما داقت الحرية
هدد حدد سدد
هي هي نفس القضية
للي نقتلت قبل اسبوع واللي قبلها وقبلها
بعتذر انه نقتلتي ومكملناش الصراع سوا
بيوخدلي وقت اعمل اللي حلمتوا فيو
عشان ما بيحكوا عنكم
متآسفة ع اللي ما عملته
يا ريت فيي رجعكم او اكون معاكم
يا ريت فيي امحي الوجع والخوف
يا ريت اكون منكم
