[Testo di "Napule dinto e fora"]

[Intro]
Cha-cha-cha, cha-cha-cha
Chist'è 'o tiempo d' 'e nuvità
Cha-cha-cha, cha-cha-cha
Oggi Napule è chesta ccà

[Strofa 1]
Ohé
Si tutt' 'o munno s'è cagnato
Napule è sempe 'a stessa
Tale e quale
Ohé, ohé, ohé
'Stu panorama è cchiù affatato
Ma sulamente a fora
Ma sulamente a fora tu 'o può guardà
Pecché dinto, pecché dinto
Chell' 'e primma cchiù nun ce sta

[Ritornello]
Mo nun se sente cchiù 'na serenata
Mo nun se sona cchiù 'nu mandulino
Mo siente tutta Napule cantà:
"Cha-cha-cha"
E 'a luna, a mare, 'ncoppa a l'onne, fa:
"Cha-cha-cha"
Sulo 'o Vesuvio resta zitto e muto
E pe' dispetto cchiù nun vò fumà
E penza: "'Stu paese
S'è fatto congolese
Americano, inglese
Ma cchiù Napule addò sta?
Ma si lle do 'na votta
(Uè!)
Succede Piererotta
(Uè!)
E 'mmiez' 'o votta votta
'A tarantella faccio abballà"
[Strofa 2]
Ohé
Si chesta è 'a terra dell'ammore
Napule è chiena 'e coppie
'E 'nnammurate
Ohé, ohé, ohé
Cu 'o sole attuorno a tutte l'ore
Stanno accussì abbracciate
Comme sperdute 'nsuonno, ma po' chi sa
Si l'ammore, si l'ammore
Oggi è 'o stesso 'e tant'anne fa

[Ritornello]
Mo nun se sente cchiù 'na serenata
Mo nun se sona cchiù 'nu mandulino
Mo siente tutta Napule cantà:
"Cha-cha-cha"
E 'a luna, a mare, 'ncoppa a l'onne, fa:
"Cha-cha-cha"
Sulo 'o Vesuvio resta zitto e muto
E pe' dispetto cchiù nun vò fumà
E penza: "'Stu paese
S'è fatto congolese
Americano, inglese
Ma cchiù Napule addò sta?
Ma si lle do 'na votta
(Uè!)
Succede Piererotta
(Uè!)
E 'mmiez' 'o votta votta
'A tarantella faccio abballà"
[Outro]
Cha-cha-cha, ma nun va
Chist'è 'o tiempo d' 'e nuvità
Cha-cha-cha, pure accà
Quacche cosa s'ha dda ballà
Cha-cha-cha, che vuò fà
Si oggi Napule è chesta ccà