Norður í landi er fólkið farið burt
Á flótta með sæng og brauð
Milli fjalla við hafið hímir þorpið kjurt
Þótt húsin standi eru þau auð

Auðar sofa bryggjur og bátavofurnar
Bíða þess að vakna á ný
Í húsum svipir líða stjarfir um stofurnar
Stórir draumar velkjast þanginu í

Gamall þulur sagði mér sögur af mönnum
Er sáu lífið eins og það er
Um þrældóm og gleði og gull í hrönnum
Og grafir sem enginn sér

Einn daginn síldin hvarf og hafsins straum
Hafgolan varð nöpur og köld
Þá voru stofnuð félög og fólkið átti draum
Að fá í hendur meiri völd

Dag einn var svo komið að kaupið dugði til
Og kreppan varð að rómantík
Þingmenn urðu guðir sem gáfu út fölsk spil
Gamlir kommar, einskonar frík

Gamall þulur sagði mér sögur af mönnum
Er sáu lífið eins og það er
Um þrældóm og gleði og gull í hrönnum
Og grafir sem enginn sér
En sagan virðist koma aftur aftan að þér
Það eru uppboð hvern einasta dag
Bankar virðast fitna og fólk á hausnum er
Fallöxin syngur þjóðinni lag

Fjölmiðlar segja okkur sögur af mönnum
Er senda fólk á vergang hér
Um auknar skuldir og skatta í hrönnum
Sem skríða inn í sálina á þér