[Texti fyrir "Paranoia"]

[Viðlag]
Hvernig er að vakna, sjá skugga líða á brott?
Það er einhver á bak við dyrnar, þú finnur á þig er horft
Draumarnir eru flúnir úr hvítu skálinni
Hvernig er að vakna upp með fingraför á sálinni?

[Vísa 1]
Úti hamast vindurinn, þú kúrir þig undir sæng
Á glugganum hamast stúlkan þín eins og hrafn með brotinn væng
Þú þorir ekki að opna, í augunum sérðu blóð
Fyrir utan heyrir fæturna traðka paranoiuni slóð

[Vísa 2]
Angurværir tónar nálgast ofur hægt
Barnið í hjarta þínu löngu orðið er hrætt
Búkar með engin andlit stjórnlaust líða um
Ó ef þú aðeins aftur gætir náð ljúfu draumunum

[Vísa 3]
Þú manst eftir konunni á horninu sem seldi mönnum tár
Mönnum sem voru dofnir, höfðu ekki grátið öll sín ár
Hún er hætt að koma, þurr augun laugar ei meir
Uppsprettan er þurrausin en það vita ekki þeir
[Viðlag]
Hvernig er að vakna, sjá skugga líða á brott
Skugga sem ekkert eftir skilja, samt krefjast að á þá sé horft?
Draumarnir eru flúnir úr hvítu skálinni
Ó segðu mér, hvernig er að vakna upp með fingraför á sálinni?
Ó segðu mér, hvernig er að vakna upp með fingraför á sálinni?