Ennþá brennur mér í muna
Meira en nokkurn skildi gruna
Að þú gafst mér undir fótinn
Fyrir sunnan Fríkirkjuna
Fórum við á stefnumótin

En ég var bara eins og gengur
Ástfanginn og saklaus drengur
Með söknuði ég seinna fann
Að við hefðum getað vakað lengur
Og verið betri hvort við annað

Svo var það fyrir átta árum
Að ég kvaddi þig með tárum
Daginn sem þú sigldir héðan
Harmahljóð úr hafsins bárum
Hjarta mínu fylgdu á meðan

En hver veit nema ljósir lokkar
Lítill kjóll og stuttir sokkar
Hittist fyrir hinumegin
Þá getum við í gleði okkar
Gengið suður Laufásveginn