Rauðar laufið og lyngið mjúka
Og ljósgrænn mosinn hvísla að mér
Fæstir leiðina leggja hingað
Langt er síðan ég var hér

Hruninn garður og gamlar tóftir
Grasi vaxin eldavél
Á bæjarhólnum blinduð dúkka
Brotin kanna og ryðguð mél

Kyrra hugann, hlusta á vindinn hlæja
Í grasið þar sem hann fer
Niður dalinn hraðar hraðar
Með heita sól að baki sér

Birkihríslan og hafið bláa
Himinninn sem fjallið háa
Yrjótt hraun, grjótið gráa
Allt það stóra, allt það smáa
Finn ég flæða um æðar mér