Hún vinnur úti eins og tíðkast hér
Áhyggjur og fjögur börn, líkt og vera ber
Karlinn er á sjónum, þénar sama sem ekki neitt
Saman herða ólina og engu geta eytt

Þau heimta engar milljónir, bara mannsæmandi laun
Matarskatt í bónus fá og skilja ekki baun
Þau þekkja bara vinnuna, í víti af henni er nóg
Vakna til að lifa og aldrei finna ró

Sjaldan þú heyrir um hryllinginn þann
Hengdan úti í bílskúr sinn föður barnið fann
Með skilaboð á miða skráð ,,Ég get ei meir“
Skuldin er hjá mér og þér og á því lifa þeir

Barnfóstran er vídeó þau vaka fram á kvöld
Vita ekki um skuldirnar sem duga í heila öld
En rifrildin þau heyra og hræðslan smýgur inn
Þau híma undir sænginni með náföla kinn

Sjaldan sérðu uppboðin né andlitin grá
Eða augu full af tárum og vonlausri þrá
Þér þykir það sjálfsagt skrítið að skuldin er hjá oss
Skondið er að vita þessu veldur lítill kross