Í tangóinum á tunglið heima
Tíminn nemur staðar hjá mér
Bergmál hárra hæla mig teyma
Haltu mér fast eða slepptu mér
Ég dansa tangó fyrir þig

Kysstu mig varlega myrkur
Mínar varir eru aðeins gler
Úr faðmi þínum flæðir sá styrkur
Sem fær mig til að hvíla inni í þér
Ég dansa tangó fyrir þig

Vindurinn hló í hári þínu
Hvíslandi í myrkrið orðin sín
Loforðin héldu á hjarta mínu
Hamingjan biðlaði til mín
Ég dansa tangó fyrir þig

Í draumum mínum dagarnir fæðast
Dagar sem krýndir voru mér
Meðan veruleikans vofur (að mér) læðast
Vekja mig í dansinn með þér
Ég dansa tangó fyrir þig