[Verse 1]
Taglay mo sa bagwis ng iyong paghayo
Ang pangako ng walang-hanggang bukas
Pabaon man sa 'yo'y hapdi ng puso
Aabutin ang pangarap

[Pre-Chorus]
At ang bunga ng wagas mong pagsisikap
Katuparan ng iyong pangarap
Kapalit ng dalamhati't paghihirap
Pag-angat ng kabuhayang marilag

[Chorus]
Liparin mo ang hangganan ng langit
Sa ulap ng pag-asa'y iyong makakamit
Ang tagumpay na bunga ng iyong pagpupunyagi
Pangarap mo na kay tagal mo nang mithi
Oh-oh

[Verse 2]
Tutularan ka ng sunod na saling-lahi
Kapuri-puring pag-aalay ng lakas
Nagpupugay sa makabagong bayani
Ang buong bansa'y nagpapasalamat

[Chorus]
Liparin mo ang hangganan ng langit
Sa ulap ng pag-asa'y iyong makakamit
Ang tagumpay na bunga ng iyong pagpupunyagi
Pangarap mo na kay tagal minimithi
Liparin mo ang hangganan ng langit
Sa ulap ng pag-asa'y iyong makakamit
Kamtin mo sa dulo ng lahat ng iyong pagpapagal
Ang tamis na dulot ng iyong tagumpay
Ang tamis na dulot ng iyong tagumpay