Anong hiwaga do'n naganap
Gabi'y tahimik, walang ulap
Sanggol sa hamak na sabsaban
Ay syang hari ng langit at lupa

Halina, halina, at sambahin
Taos-puso natin Syang mahalin
Halina, halina't ating dinggin
Tumatawag ang batang banal

At do'n sa langit nag-iisa
Bituing sakdal sa ibang tala
Na tila ba'y tinatawag ka
Tingnan mo ang sanggol ni Maria

Halina, halina't ating sundin
Mahiwagang talang nagningning
Dali na, dali na't ating dalawin
Salubungin ang batang banal

Pastol, anghel at tatlong hari
Sumasamba, bumabati
Ngayon mundo'y may pag-asa na
Ligtas na sa pagdadalamhati

Sya ang ating hinihintay
Pangako ng langit ngayo'y binigay
Halina, halina't buksan ang puso
Papasukin ang batang banal
(Halina, halina't buksan ang puso)
Papasukin ang batang banal