Abyusif - أبيوسف
Leih Bass Kedda - ليه بس كده
المقدمة (ادهم تاج)
معانا ريال معانا ريال
ده مبلغ حلو ومش بطال
كانو بيقولو كده زمان
نسينا الرضا كلو طمعان
الڤيرس الأول : ابيوسف
الي فوق فوق ناسي الموت
مات الذوق قاسي
راسو لفوق جامد موت ساكت دور عالي
بالفلوس ماسك الي تحت في طوق ماشي
ماشي يدوس مهما يكون تمن الروح غالي
دور البيه عايش في قلب مصروف دادي
غسيل ايدين مسؤولية هو في دور تاني
علشان جنيه يهون عليه يمشي اخوه حافي
علشان جنيه يمكن يبيع امه وأبوه عادي
الكورس : أبيوسف
القرش خبيث خلاني اهيص وانسى التفكير وعماني
العيشة كمان فرشت احلام قلبت كوابيس ومعاني x2
الڤيرس التاني : ادهم تاج
معانا مليون
معانا مليون
والمكسب مضمون مضمون
هجيبو هجيبو مهما يكون
وإن شاء الله [؟]
الڤيرس التالت : أبيوسف
الي تحت تحت وسط الفحت في الطابور واقف
شيقان ورا حقه وسط الزحمة والضغوط زادت
والي جنبه جه وزقو اصل الجوع كافر
العدل حلم الظلم فلم ومالوش اخر
رغم كل ده الصبر مع الهموم ثابت
ف قلب الفقر تلاقي الكرم في البيوت ثابت
في اي ظرف تلاقي الشهم بالمليون واقف
الرضا مش صعب والغنى في القلب والي فوق شايف
الكورس : أبيوسف
القرش خبيث خلاني اهيص وانسى التفكير وعماني
العيشة كمان فرشت احلام قلبت كوابيس ومعاني
القرش خبيث خلاني اهيص وانسى التفكير وعماني
العيشة كمان فرشت احلام قلبت كوابيس ومعاني
