[Intro]
(obscure sample)

[Refrain]
كـــــــــــــداب

[verse]
تقلت في الدخان فا بانت في عينيك الدوخة
في التحدي تستحمي كل خد عليه خوخة
ناخد الجمهور في دوكة يشترينا
مشتراش ناكل الكلام بشوكة والسكينة
Bon appétit
بتخش البييت وأنا في ديلها
علي أي دوت إم بي ثري بأكشنها
تحس بإنبهار بدي كورس في الإتقان
براب وأنا رافع هورس بالحصان
هانت، فاضل سنتين علي الأبلوود
أنا سايق، رجليا الأتنين علي التابلوه
بسقف، مبسوط عشان حد إداني زقة
أنا بس اللي جامد حد تاني لأه
بشد منك الحبل فا ببين قُصر دراعك
ياللي بتسجل الدقيقة في نص ساعة
يوسف راب حلو، يوسف مش بيكسل
يوسف طالع، يوسف يوسف عمره ما بيمثل
تاخد بالك وأنا هاخد علي الهبل أوسكار
عالجدل تُشكر، بشربها بملح بدل سكر
بسرق الأضواء تصوير لقاء داخلي
نجم فا طلبت بيتزا في الفضاء جاتلي

[Refrain]
كـــــــــــــداب

[verse]
بنام بالنضارة عشان أحلامي تبقي واضحة
الواقع قبيح فا بقلعها لما بصحي
مفيش بلدوزر يخرب بيت رخامتي
لابس جزمة صفرا ومطقم مع إبتسامتي
بنهرج علي المكوك، مش بندي دروس
....أكسب هيفا في المسابقة وأخسر
دي دماغي، بسيب باقي
علي البييت باجي
أبيوسف وان الوان إنتوا ٦٠٠ شاجي
دي قصور بسف ومازلت بتساوي عندي صفر أنت تلت إلا تلت
شيلت السيم من الموبايل وهتكلم في المطلق
الكورة بتيجي في إيدي هتباصيلي مش هشوطها
من بكرة، غرغر، بتينر ومسطردة
عندي مرض معدي لسه راجع من چاكرتا
سلم عليا، تشيك حرارتك
أوف، دة أنت ٣٩ إلا شرطة

[Refrain]
كـــــــــــــداب

[verse]
أهلا بيك في جيل الجدل
نازل من علي السحابة بتغابي وبجيب الغدا
في الحاجات دي مبتفرقش تمامًا مين إبتدا
تداخل تاخد وأنت بتاخد الإبتسامة دي بالأدب
إنجازًا في إيدي القلم والمسطرة
بالنسبه لتفكيري أنا أنت خرة
أصل الهدف مش الغرض
....بقلب الأسمايلي في إبداعي
بشوه الرابرز أنا مفاعل نووي
هذا ملل وضجر، رجع الورق للشجر
لو كنت سجلت بميكروفونك كان إتحرق وإنفجر
دي تركيبة الملعب، دي توليفة الكورة
ملقتيش كرسي فا وقفت في زورك
مناديل فلورا، اندمجتوا همسحكوا
ميشرفنيش أغني في إكس فاكتور أو أحكم
سايبلكوا تراك وماشي، دة رهني
تسمعني تحبني، تقابلني تكرهني

[Refrain]
كـــــــــــــداب

[outro]
أقدم رسالة في الراب، كداب
محدش فتحلي الباب، كداب
أنا لوحدي مجال، كداب
بنوكيو مش حقيقي دة خيال، كداب
كان زمانه هناك بس تاه
مكان ما كلام الناس وداه
بقي شخص عبارة عن كلام غناه
والانعزال نساه
بقي ليه... كداب
كان زمانه هناك بس تاه
مكان ما كلام الناس وداه
بقي شخص عبارة عن كلام غناه
والانعزال نساه
بقي ليه... كداب