Senz'essere chiamati simu venuti
Ohi simu venuti
Caru patrune siti u bon trovatu
Caru patrune siti u bon trovatu

A bbella strina ch me suali hare
Chi me suali hare
Chilla de Capuddannu e dde Natale
Chilla de Capuddannu e dde Natale

Un ve spagnati ca 'un simu assai
Ohi un simu assai
Ca simu trentatrì e lli sonaturi
Ca simu trentatrì e lli sonaturi

Alla missata cantanu li grilli
Cantanu li grilli
Volia pprovare li vostri turdilli
Volia pprovare li vostri turdilli

Fammi la strina e ffammila de mele
Fammila de mele
Mu te sta bbona sta bbella mugliere
Mu te sta bbona sta bbella mugliere

(Ooooooooooh, portati vinu e ccastagne 'mpurnate)
Fammi la strina e ffammila de hicu
Fammila e hicu
Mu te sta bbuanu stu bbellu maritu
Mu te sta bbuanu stu bbellu maritu

Mo chi fa ffriddu a nive alla muntagna
Ohi alla muntagna
Chi pozz'avire na bbona cumpagna
Chi pozz'avire na bbona cumpagna

Siantu nu sgrusciu 'e nu tavulatu
De nu tavulatu
E lla patruna porta bbuccellatu
E lla patruna porta bbuccellatu

Canta llu gallu e scuatula 'e pinne
Scuatula 'e pinne
Ve damu a bbonasira e jamuninde
Ve damu a bbonasira e jamuninde

E dde stu grubbu 'nde nesce nna gatta
'Nde nesce nna gatta
Ohi jamuninde ca la strina è ffatta
Ohi jamuninde ca la strina è ffatta

(Ooooooooooh, portati vinu e ccastagne 'mpurnate)