[دخلة]
القصيدة تع عبد القادر الخالدي وين يقول
جار علي الهم و كثر تشغابــــــــي و تشرتل شمل كان في العز ملايم
ما نجدوني رجال عند اضطرابي و بقى بــــــــي العود و العادي زادم
سلكنها منين كان الكهل صبي ولقينا في مسيرها كل نعايم
الرجال الرجال يڨمنوا ويڨمنو وجبي ومقاصد كل حين عيد بلا موسم
و اليوم اليوم طوالت المسافة يا شيبي الجهد لي كان سالم راه سقم
الله يرحمك ياالشيخ عبد القادر الخالدي

[الجسر] (x4)
يا أنا أنا

[Fada Vex : المقطع الأوّل]
جار علي الهم و كثر تشغابــــــــي ------ و تشرتل شمل كان في العز ملايم
ما نجدوني رجال عند اضطرابي ------ و بقى بــــــــي العود و العادي زادم
حبابي في المضيق ذلوا و اصحابي ------ و درق من كان في الوسع يخصل بالفم
برد حمانهـــــــا يدي نكرت جيبــي ------ حط الطرف الرواق و المبسم درمــم
شفاي على جوانحـــــــي دق طنابه ------ عطلنــــي مـــا جبرت للجوابة منجم
رديت على كيوس لكراب بكروبي ------صبيت دواء الهم في المدام و رحت عدم
كاس وراء كاس من شروقي لغروبي ------ و هديت القيل رادف القال و يشرم
عيطة من عابني و جرح في حزبي ------ و عيطة من حن لي و سلاني في الغم
و عيطة من هابني و عمد لعتابي ------ و عيطة من خاطي المسايل و تفردم
ما عرفوا علتي و لا واش سبابي ------ ما سقصاوني نعيد ما راني كاتم
و اجي لاجي و غاب طبي و طبيبي ------ شاكي باكي و طالبي و حكيمي صم
الغربة و الفراق و الشوق و حبـــي ------ و الغيظ مع خويض عقلي و الألم
راني مضيوم فوق ما يحمل قلبي ------ و علاش تزيدني بلومك يا الايم
[اللازمة]
جار علي الهم و كثر تشغابــــــــي
ما نجدوني رجال عند اضطرابي

[Fada Vex : المقطع الثاني]
خلي بيني و بين ربي يــــا عربي ------ لا تقهرني بلوم و انايـــــا كاظم
ماك والي لامر م العرب و لا نبي ------ تنهي و الا تحد من هو مجرم
ماك شقيقي و لا قريبي و نسيبي ------ ماك شريكي و لا و كيلي و لا عم
بويا يومًا مات خلاني حربــــي ------ و قريت على رجال قرحوا في ذا الهم
نلعب لعبي المصححه من تجريبي ------ ما نلعب لعب حد عني يتفيهم
لعبي لعبي اللي نتج لي من لعبي ------ لعب الغاشي الا قجارة و قجايم
اذا لعبـــــي مليح نلت مآربــــــي ------ و اذا لعبي قبيح سوف نتعلم
ما شفنــــا زيد زاد اديب مربـــي ------ ما شفنا عمر جاء بلا ما كتب عالم
ضابط شغالي و عاز رجالي و وجابي – و رسمت على سابقي ثلث حكايم
شوفي يا عين لم يا قلبي و خبي ------ و اسكت يافم شد لعنانك و الزم
و اذني طرشة على تسرسك الغيبي ------ تقدي النار و جنابي سالم
هذا محمود سيرتي هذا دأبي ٍ------ هذا شأني مع القضاء و الله عالم

[الجسر] (x4)
يا أنا أنا