[المقطع الأول]
في حاجات ما كنتش راضية عنها عملتها
مع إني عمري في يوم ما كنت بحبها
وده كله علشان أرضي حد ما حبنيش
وأما لقيت ما فيش أمل في موضوعنا إنتهى
أنا ليه بنزل من كرامتي لمستوى
إني أبقى بتنازل عشان نبقى سوا
وفي النهاية لقيته بعد الحب ده
سابلي فراق وجوة في قلبي جرح مالوش دوا

[اللازمة]
لا هقول ده نصيب ولا كان العيب فيا
ولا ناوية يكون في بينا فرصة للعتاب
أهي غلطة خلاص وبقت محسوبة عليا
ده ما فيش إنسان في الحب ما جربش العذاب
لا هقول ده نصيب ولا كان العيب فيا
ولا ناوية يكون في بينا فرصة للعتاب
أهي غلطة خلاص وبقت محسوبة عليا
ده ما فيش إنسان في الحب ما جربش العذاب

[المقطع الثاني]
أنا عشت أضحي وفي النهاية كسبت إيه
غير جرح واجع قلبي عايشة بداوي فيه
وبلوم في نفسي لأني كنت مصدقة
إن مشاعره ليا ده حب حاسس قلبي بيه
ع الوضع ده وعلى الجراح متمردة
وقلبي لازم يبقى أقوى من كده
وأنا قبل ما أدخل تاني أي تجربة
عمري ما أحب حد وعيني تبقى مغمضة
[اللازمة]
لا هقول ده نصيب ولا كان العيب فيا
ولا ناوية يكون في بينا فرصة للعتاب
أهي غلطة خلاص وبقت محسوبة عليا
ده ما فيش إنسان في الحب ما جربش العذاب
لا هقول ده نصيب ولا كان العيب فيا
ولا ناوية يكون في بينا فرصة للعتاب
أهي غلطة خلاص وبقت محسوبة عليا
ده ما فيش إنسان في الحب ما جربش العذاب