Kein Jold, kein Diamante
Die ich dir schenke kann
Et jitt och nix op Äde
Wat de Minsche nit schon han
Ich han d'r Kopp vull Dräum
Doch ming Täsche, die sin leer
Du säß: "Dat es nit vill zom lävve"

Du meins, ich dät nor spille
Un wenn, es och ejal
Denn wann de alles ähnz nemms
Häs du am Engk dann och kein Wahl
Denn die, die niemols laache
Han de Sonn' och nie jesin
Kumm verjiß ding Sorje
Un röck' nöher zo mer hin

Denn dat is alles, alles wat ich han
Dat is alles, wat ich maache kann
Du häs mi Hätz, mi Lääve
Ming Dräum un och mi Blood
Ich hoff' dat es jenoch

Denk doch nit an Morje
Lor' och nit zoröck
Loß dich einfach einfach falle
Maach dich nit verröck
Mer bruche doch nit mih
Als mer jetz schon han
Uns Leev hält uns am lääve
Kumm un nemm ming Hand
Denn dat is alles, alles wat ich han
Dat is alles, wat ich maache kann
Du häs mi Hätz, mi Lääve
Ming Dräum un och mi Blood
Ich hoff' dat es jenoch
Ich hoff' dat es am Engk dann och jenoch

Ob König oder Buur, wat es schon dobei
Am beste ston sich Narre
Denn nor die, sin wirklich frei ...

Denn dat is alles, alles wat ich han
Dat is alles, wat ich maache kann
Du häs mi Hätz, mi Lääve
Ming Dräum un och mi Blood
Ich hoff' dat es jenoch

Oh Baby dat is wirklich alles
Wat ich för dich han - Yeah