[Testo di "Te sento"]

[Strofa 1: Franco Ricciardi]
Forse 'a smania 'e libertà
E 'a voglia 'e t'assumiglià
Femmena m'a fatto fà
Primma d'a maturità
Comme 'a nu germoglio ca
Albero vò addiventà
Ire 'na creatura ca
Se vuleva fà chiammà mammà

[Strofa 2: Franco Ricciardi]
È fernuta cu' 'o papà
Sola sì vuluta restà
'E figlie femmene nun ponno stà
Cu n'atu ommo dint'a casa
Tu me saputo 'mbarà
L'ammore e 'a carnalità
Ma pure a me fà rispettà
'A chi nun tene dignità

[Strofa 3: Lucariello]
'O curaggio 'e mille immagine
Mille parole m'aiutano ancora
Tu comme a nu raggio 'e sole
N'angelo ca vola fora 'a 'stu balcone
Nu male amaro t'ha strappato
A dint'a 'sti braccia
Ma maje a dint'a 'stu core
[Ritornello: Franco Ricciardi]
Te sеnto ccà a me guardà
Staje sempе ccà pe' me guidà

[Strofa 4: Franco Ricciardi]
Aggio perso tutt'e verità
Però 'na speranza ancora ce sta
E te sentì e m'accarezzà
Comme sulo tu sapive fà

[Strofa 5: Lucariello]
Quanno me guardo a dint'o specchio
Veco l'uocchie tuoje, 'a vocca toja
'E notte ca m'aspettave arete a 'na fenesta
Ca turnavo prim o poi
'E facce 'ngazzate, 'e mazzate
'E parol mazzecate
'E carezze dint'a nuttata
L'addore d' 'a cucina
L'addore tujo 'ngopp'o cuscino
E mancanze quanno ascive
Scivola 'o tiempo e pare ca 'nce lassa niente
Te tengo stampata 'n cuorpo ogni mumento
Sì 'o fuoco ca me move e c'abbrucia sempe
E mo' te truove dint'e suonne
Bella comme 'a 'na Maronna
Pure 'e creature vonno sempe 'a nonna
'Na lacrima me 'nfonne
L'anema se sfonna
Comme nu tramonto ca dint'o mare affonna
E chi rimane è martire
Simmo gocce ca se sparteno
Nun è maje troppo tarde
Quanno 'a vita arriva a nu traguardo
'E vote t'abbasta nu sguardo
Oggi voglio sulo cosere ricorde
Comme si fosse 'na sarta
[Ritornello: Franco Ricciardi]
Te sento ccà a me guardà
Staje sempe ccà pe' me guidà

[Outro: Franco Ricciardi]
Staje sempe ccà pe' me guidà