[المقطع الأول]
لإني بحبك أكتر بسيبك تقولي بحبك أكتر
ما أنا عايزك مبسوطة مش أكتر، بسعي لده على قد ما بقدر
كل ما أجي أنام فوق صدرك أشوف عليه جماجم
إزاي أنا تاني فارس لما كل الناس دي ماتت
إسحبيني بعنف للعمق اللي بغرق فيه
طول ما أنا ميت فيكي مش محتاج للأكسجين
الواقع غامق في الواقع فمتداريش غمقانه
أحمد بوظ اللوحة، خد يا جوكر لونهاله
أهو كده، الإسود لون نفوس الناس اللي هنا
مش قادرة تآمن فمحتاجة تبقى متأكدة
عندك جنة توريهالها؟ ولا أعتمادك إنها مؤمنة
لو كده فالناس هايبه جهنم مش حابه ربنا
طب ليه إسماعيل ساعد إبراهيم وطاطى للسكينة
مش كلهم إبن نوح، نوح مش لوحده ع السفينة
زمن المعجزات إنتهى، الناس حاطه القوانين بنفسها
عايز البار كله يصقفلك إشرب الإزازة كلها

[اللازمة]
من إمتى شيطاننا إدانا غير اللي نؤذي بيه اللي أذانا
سيبونا نؤسس اليوتوبيا على أطراف الغابة
لو فشلنا أدينا حاولنا، ده هيدي الأمل لغيرنا
على الأقل سيب سجادة لغيرك في إتجاه القبلة
من إمتى شيطاننا إدانا غير اللي نؤذي بيه اللي أذانا
سيبونا نؤسس اليوتوبيا على أطراف الغابة
لو فشلنا أدينا حاولنا، ده هيدي الأمل لغيرنا
على الأقل سيب سجادة لغيرك في إتجاه القبلة
[المقطع الثاني]
معقولة صحتك فبتحاربني، عشان صاحبتك عايز تسيبني
أنا لولا زرعت فيك الكُره كنت مت قدام مني
إنت مش فلتة، ده أنا اللي عملتك
ده لولايا ماكنش الناس أدمنت تشوف بعدستك
دي مش عدستي، عدستك إنت، أنا هنا من زمن، إنت من إمتي
خليتنى كرهت كل حاجة، مستغرب ليه من كوني كرهتك؟
تكرهني أنا، تكرهني ليه؟ ده لولايا أنا كان زمانك فين
كان زمانك لسه بتكتب سلمى الجزء الألفين
شكراً ليك كنت مرحلة، بعد كده علاقاتي هعرف أختارها
تصدق حتى إني بفكر وقت ضيقتي ألجأ للصلاة
وأنا كنت بعدتك عن ربنا؟ لأ ده أنا قربتك أكتر ليه
أنا كرهتك فينا علشان في الواقع كلنا وحشين
لأ ده أنت أقنعتني، إني شيطان وكتفتني
عشان معرفش أغير حاجة، فمن ساعتها مفيش حاجة بتتبني
الدنيا غابة ماهي إختبار، نفس وأنا عليا وفيه إختيار
ويمكن توبة بعد جبل ذنوب تنجينا من النار

[اللازمة]
من إمتى شيطاننا إدانا غير اللي نؤذي بيه اللي أذانا
سيبونا نؤسس اليوتوبيا على أطراف الغابة
لو فشلنا أدينا حاولنا، ده هيدي الأمل لغيرنا
على الأقل سيب سجادة لغيرك في إتجاه القبلة
من إمتى شيطاننا إدانا غير اللي نؤذي بيه اللي أذانا
سيبونا نؤسس اليوتوبيا على أطراف الغابة
لو فشلنا أدينا حاولنا، ده هيدي الأمل لغيرنا
على الأقل سيب سجادة لغيرك في إتجاه القبلة