[المقدمة]
شفت في عشرين سنة حاجات محدش شافها
كنت باخد من الحياة الألم وأرجع أقبل أسفها
كنت طفل بعمل بالورق مراكب قبل ما أفهم
إن ورقتي أغلي من إستخدامها لصنع حاجة تافهة
شفت في عشرين سنة حاجات محدش شافها
كنت باخد من الحياة الألم وأرجع أقبل أسفها
كنت طفل بعمل بالورق مراكب قبل ما أفهم
إن ورقتي أغلي من إستخدامها لصنع حاجة تافهة

[المقطع الأول]
إرفع ورق التوت، يا إبن آدم ما تداريش عورتك
العالم ما إتوسخش إلا بمغالطة فقة الرضا
كل كلمة في الكام كلمة وفي الواقع أنا كنت قاصدها
مايعبنيش إن الجمهور مش فاهم لوحة بيبصلها
بحاول أعيد صيغة الإصلاح لكن بحروف دلوقتي
مش هطلع أقول صباح الخير وأغالط عقرب ساعتي
اللي مبناش نفسه يهدك واللي متزقش بيشدك
واللي مش لاقي إنتقاد موضوعي يفضل يستفزك
عايزين الضغط يخلق كره فيك كشخص
حاول يسد خانات النقص فإتقابل بنوع من الرفض
فتنسى، كل يوم قضيته بتحاول تفك سلاسل فكرة
دي ناس بتعيش الدنيا موت في سبيل تحسينها
إبن نوح غرق واللي مش إبن نوح ركب
كان الأولى يأيدوك مش يوسوسوا للي سمع
مش بأهتم بالنهاردة، هييجي يوم تشوفوا الصح
ما أنا هفضل أبني سفينتي حتى لو شربتوا البحر
[جسر]
إكسر آخر لمبة في أوضة ضلمة وقول مش أنا
إبعد قد ما تقدر، روح بلد ما فيهاش مأذنة
الحق مش هيموت ولا في وجودك ولا في غيابي
من قبلي ودلوقتي ومن بعدي ناس هتنادي
ممكن يكون صوت الحقيقة مش مسموع ع الكوكب
أنا لو ما كنتش نوح ع الأقل كنت هركب
ده عكسك، تهمني الحقيقة تهمك نفسك
بس كون الواقع خلى الناس تدمع مكسب

[المقطع الثاني]
رافض أبيعك إنت، بساعدك قبل ما أساعد نفسي
بتفنن في طلاء أظافر الإيد اللي كاتمة نفسي
لسه اللوحة مش واضحة، هتكره جوكر تدريجياً
إنت لسه في أول مرحلة من أمراضي النفسية
بحاول أفيدكوا بحاجة يا اللي ما فهمتوش تشبيهي
بلعن التسلية من خلال عمل ترفيهي
لو كانت الدنيا بخير عمري ما كنت أغني راب
عمري ما كنت أخاف أكتب محدش يقرأ كلمة من الكتاب
الواقع مش كدبة، فتح قبل ما تغرق
لو رضيت عن نفسك تفسد أكتر ما إنت فاسد خلقة
طول عمري بكره الكوكب ده مش من الباب للطأ
لإنه خلى كل حاجة فيا عكس زمان بالظبط
طول عمري وأنا صعبان عليا أشوف الناس مش فاهمة
أما الناس اللي فاهمة فاسدة فبتلعب بمستقبلها
مش عايز منك حاجة، لو عايز هبيع دماغي
عايزك تتحسن وإنت عايزني أموت عشان طمعان في مكاني
[الخاتمة]
بقيت بتغمى لما بقيت بخاف من النور
مهما أشوف الدنيا عتمة ده أهون من إني أشوف
إن الكدب ليه رجلين بيها ع الحقيقة يدوس
أنا سايب الدنيا ليكوا وداخل أحلم بالكابوس
أنا سايب الدنيا ليكوا وداخل أحلم بالكابوس
أنا سايب الدنيا ليكوا وداخل أحلم بالكابوس