[المقدمة]
اللي مات في البير آخر أمل في إنك تنضفي
أصعب إحساس اللي بالنسباله تاني أصعب إحساس سهل
إقلبها بينا، هما مش محتاجيننا في المدينة
إبن الخطاب كان رايح يقتل الرسول أسلم

[المقطع]
فراق بجد مش بتاع عمرو وتامر ده
أصعب إحساس اللي بالنسباله تاني أصعب إحساس سهل
مافيش آلم ميتر، فاللي حاسه ما بيتقاسش
هتاخد نبذة لما المنوم آخره معاك تتاوب بس
مش أنا اللي حوّا تمشى تيك أواي وتنتبهله
الأوردر وصل متأخر فأعذريني مش هستلمه
دي مش سلمى الجزء التالت، كل ريشة ولونها
إسم أقوى فكرة إسمك هي في مستوى جمهورها
من الواقع للموناليزا مشهدين في الفيلم
بأي منطق إحتليتوا حوالي تلتين مساحة التتر
اللي مات في البير آخر أمل في إنك تنضفي
مافيش حاجة من ريحتك هتردلي نور عين إنطفت
إقلبها بينا، هما مش محتاجيننا في المدينة
هنموت فين غير على طريق الهربانين من الحقيقة
مش بس هما ضدي، لأ دول هما والظروف
أدي الغار وأدي الكفار، مافيش أمل يجي عنكبوت
مش هبذل جهد في الحفاظ عليكي إنتي إطلاقاً
علاقتي بيكي بتقف في ميعاد إنتهاء الباقة
مش بفاجئك في النهاية بكون المغذى فشنك
أقيم من أعلى رواية بس اليونيفورم ترنج
الفقر فقر القيمة وإنتوا أغنى ناس بالفقر
كفى الميديا شرفا نجلا والحصان وحلمي بكر
رغم كونهم حاولوا يهدموني وكوني كنت سايبهم
لصعوبة إنكار معجزة تعباني بلع تعابينهم
مش بيحبوا اللي بقدمه، دول بيحبوا اللي بيكدبوا
مش هيعمل ليا ألبوم، صدر دينا بيكسبه
المايلة أنا مش هعدلها لأ، مش هتساعدوني أعدلها
لو نوح دلوقتي بنى السفينة مافيش طوفان هيشيلها
إنطقي بدل ما إنتي ساكتة، ليه بعجز بدري؟
بشيل ضرب اللي جريوا ليه؟ ما تسيبيني أجري
معقولة صدفة إنها بالمعنيين دول بالذات
يا تبقى باقي الجملة يا تبقى رد ع السؤال
الفضل لعقلي مش لعقلك يا اللي كتبت الكلمة
فهمت من الخيميائي حاجات باولو كويلو مش فاهمها
لطريق الصح بهدي ومهدي رغم بدايتي الفاسدة
إبن الخطاب كان رايح يقتل الرسول أسلم