[المقطع الأول]
دلوقتي إنت بتسمعني مش بتقولي أنا من قرائك
بفضل وزارتين التجهيل ومسؤولين محو الثقافة
حلوة الأغاني، ملعون أبوك يا شعر
صدر دينا بستة أصفار، قلم نزار بعشر السعر
ديك الدولة، ديك في عشة خونة
باعوا كل حاجة، باقي بس يبيعوا الهوا ده
إحرق نيكوتين قبل ما يغلى النيكوتين
كلم خاله يبعت فيزا قبل ما يخلص الرصيد
هتهزر ولا إيه؟ ديمقراطية لمين وفين؟
شعب يحكم، ماشي يحكم، بس عند أمك في البيت
هنحارب مين ما خلاص، يلا يا قلمي نستعمى
إبعد عن وش الفيل، ولا أنا ولا إنت هنحمي الكعبة
كل ما أقول هعتزل برجع في القرار عشانك
بشاورلك ع البر مع إني في مركب غرقانة
بصراحة بحاول أكرهك، ألاقي مخرجي وتلاقي مخرجك
بس غصب عني برجع كل ما أشوف موكب أبرهة

[اللازمة]
شايفني في المرايا شخص قرب من النهاية
هفضل بموت ببطئ طول ما إنتوا عايشين جوايا
ما كنتش عايز منكوا حاجة، كنت عايزكوا معايا
أنا اللي عملت حفلة عيد ميلادي وجبتلكوا الهدايا
شايفني في المرايا شخص قرب من النهاية
هفضل بموت ببطئ طول ما إنتوا عايشين جوايا
ما كنتش عايز منكوا حاجة، كنت عايزكوا معايا
أنا اللي عملت حفلة عيد ميلادي وجبتلكوا الهدايا
[المقطع الثاني]
كل ما أنسى أفتكر، كل ما أبقى مدمن أبطل
بعيش أعراض الإنسحاب والنص جرام في الشنطة
مش هكدب زي نجوم الشاشة وأعمل فيها مثالي
هغني مية دليل على حرمانية الأغاني
مش هتفه المحتوى، أنا مش تامر المجتمع
أنا مش عايز أتنفس تاني، إدوني نصيبي حقنة هوا
ناجح قالي سعيد خطب، ووحيد إشتغل في قطر
وأنا برسم مليون موناليزا فمش فاضي أرسم البطل
ما إخترتش علمي بكل ما أعلم ولا جهلي بكل ما لم أعلم
واللي إخترته ما إختارنيش فإختياري كان بلا معنى
مش ذنبي إني ما فيدتش الجمهور، المغذى بين
سيباني برمي دود، ما تقولي إننا في البحر الميت
بشق السطر وأرسم الطريق لبيت القصيد
عايز تسكن ع الجاهز، رافض تحارب العماليق
كاره كل حاجة منكوا حتى كلامكم الجميل
أيام السنة كلها في عيونكوا يوم واحد أبريل

[اللازمة]
شايفني في المرايا شخص قرب من النهاية
هفضل بموت ببطئ طول ما إنتوا عايشين جوايا
ما كنتش عايز منكوا حاجة، كنت عايزكوا معايا
أنا اللي عملت حفلة عيد ميلادي وجبتلكوا الهدايا
شايفني في المرايا شخص قرب من النهاية
هفضل بموت ببطئ طول ما إنتوا عايشين جوايا
ما كنتش عايز منكوا حاجة، كنت عايزكوا معايا
أنا اللي عملت حفلة عيد ميلادي وجبتلكوا الهدايا