الحكاية بدات بضبط آفريل عام 80
جيت للدنيا نبكي بين ضحكة الوالدين
كبرت و تربيت وتعلمت نقول حروف
مرة ضحكت مرة بكيت مرة كليت الحلوى ومرة كفوف
مازلت كيف جديد المخ نظيف
كيما إليوم الدنيا ربيع ما فيبالشي غدوة تولي خريف
أول ما جيت البو يحمل والام تبوس
مازلوا معنديش زروس حتى يطلع فيها السوس
صغير ودلول مرة ملايكة ومرة شيطان
ما نعرفشي الحرام مازلت بالدنيا فرحان
نعرف الشر كان في الكوميك و في الافلام
ما نعرفشي إلي الشر كيما الخير مخبي مع لايام
لعبنا كرة لعبنا بيس و زربوت
كتبنا على مراولنا بالستيلو نوامر جورات الفووت
كنت طويل ديمة نمركي بالراس
في حومتنا ما لعبنش تنيس كيما بيل سنبراس
سرقنا الغلة من ديار الجيران
عرفنا اللي السرقة حرام هذا اللي جا في القرأن
مازلنا صغار ومازلت الدنيا بخير
حلمت كي نكبر نولي أستاذ طبيب ولا مدير
قلوبنا صغار أما قلوب بيض ونظاف
بابا كي يحكيلي على جهنم و الجنة نفرح أما نخاف
تعلمنا نطيعو والدينا نمدو وذنينا للكبار
تعلمت نكون مرة عاصي ومرة بار
عرفنا الدين هو الاسلام كي نسلم نقول السلام
نصدق و ما نكذبشي كي نقول كلام
مشينا نصليو كي سمعنا حي على الفلاح
والدينا فرحو بنا قالوا ولادنا مالصلاح
مشينا نقراو و عرفنا غصرة الامتحان
الابتدائي تعدى كادوات النجاح العام ورا العام
صغار تعاندنا شكون يجيب أحسن لاعداد
شكون يجيب الشهادة شكون فينا غدوة مستقبل لبلاد
كنا نقراو خريف وشتا.. شتا و خريف
بش كي ننجح بابا يخليني نمشي للبحر في الصيف
الصيف يتعدى بين الحومة و البحر
في القوايل تعاركنا حومة كونتر حومة بالحجر
مرة مدموغ مرة طايح مرة مضروب
مرة غالب مرة مغلوب مرة هارب من كلب مكلوب
مرة ضحكت كي تفرجت في شارلو
مرة بكيت كليت طريحة بش ما عادش نتشعبط في البوتو
تسعة وثمانين عمري تسعة سنين
نحب نعمل شعري بالجال نلبس سيني اديداس و دجين
مازلت صغير أما نحب نعاند الكبار
نمشي لديسكوتيك كما خويا و نولي سهار
حبيت مزيكة الكحالش الامريكان
نحب نفهم لكلام وليت نتنفس راب مع لكسجن
صدقني نضحك كي نتذكر ليامات
بابا ما يعطنيش فلوس نولي نمشي نسرق كستت
من م.س هامر لسنوب دوغي دوغ
هيب بوب هردكور متع لنسيان هبكون
نسرق و نخبي لين مرة تشديت
كليت الكف بكيت كي سيبني سبيتو و هربت جريت
عمري 11 سنة جيغنج أون ذ كود
لبست دجين بوغار وقتلي كان ألا مود
لبست كليت حزين فرحان
كبرنا مع لايام وكبر معنا الشيطان
خذيت السيزيام دركسيون لليساي
برميار انيي عاودت وراها برميار انيي
كنت نقطع مل لقراية ونجيب سرتفيكا
صحابي تقرا في الكلاس و انا فين في السينما
مرسكي في الكار دركسيون سنتر فيل
في المرواح دركسيون حومتي قبل ما يطيح الليل
فاقوا بي الدار كليت الضرب لين فديت
جاني جواب مل لساي 20 يوم ما مشيتش قريت
13 سنة عمري غرامي ولا سبور
باسكت بول شاكيل اونيل منتون
تعلمت نشوط نتريبل ونحط الكورة في الباني
15 سنة واللي نزمتشي سون بيتي
سبورتيف شامبيون في الباسكت
الانتوراج ما يشجعشي عطاني ماديل دور في الفساد
تكيفت و أنا صغير سيغارو مع كل بوز
الدنيا كحالت من الدخان ملي كنت نشوف الدنيا روز
ولينا شلة وحدة أنا و أصحاب السوء
الهملة و الفساد زيد السرقة من السوق
الراس فوق لكتاف رزن مل لالكول
أصحابنا تقرا في العلوم و احنا نشموا في شكاير الكول
مسخت كتاب نظيف لين جاء الصيف
جتني اخر بلتان في حياتي مطرد دفنيتيف
لايام جرات صغري بقى ذكريات
إليوم فما ندم إليوم فما حسرة علي فات
سامحني أمي سامحني بابا ولدك طاش
سامحني ربي إذا عبدك ما طاعش
26 صغري وفا في العشرين
إذا إليوم الفم يضحك أعرف راهو القلب حزين
