Illiam (PS) - إليام
Lima la?
ايليام:
احنا مش إحنا وهاد مش تشبيه
وهادي مش أغنيه هاي أغاني كتير
وأنا كذاب بس أتطلع بعينك مبفهمكيش
إعمل حالك مش زعلان عشان ما تصير غريب
يومها ضلينا ساكتين بس حكينا كتير
ولما تسألي كيف حالك بعرف إني مش منيح
أوسخ شي تعطي كل حواسك لناس تانيين
هاد المنتج غير قابل لإسترجاع أو التبديل
روح ع الجامعه سجل الحضور وإنت مش موجود
كنس الباقي منك رجع المجرود
حتتأخر بس تتقدم فتحكيش مبروك
قل للمليحة أنا مش فاضي أنا مشغول
يمكن بسجل هالمقطع وأنا مسروق
معيش كتير فَ خلي الباقي يمكن إنتو تحتاجوه
إنبسط عيط إجرح خيط وهموم بتنسي هموم
والسؤال الناس بس تشوف عيونّا شو بتشوف
قل لي ايش بتشوف؟ اي حروب بتوصفني x2
العين أفصح من اللسان بقترح تحكيش
نسيوك وإنت صغير الناس بتحب تتكبر فيك
والي بغلطش مع حد بغلط مع حالو كتير
ولما إمك تحكي نزل الزباله بتتزكر مين " هههه"
قيس قبل ما يموت بـ ليلى عاش
وإنت مش غرقان بـ بحر والبغرقك شاف
بعرف إنك بتسواش وشايف العالم مهتمة
بمشاعرك الشفافة اللي إنت بتلمسهاش!
عالم ومدينة شارع وسكان
هاد كلو جواك يمكن إحنا أصلاً خيال
والخلايا والحيوانات كانت حتقتل داروين
قبل متوصل أخبار إنو حيصيرو ناس !
مجهز شاش بعرفش متى الأفعال بتجرحني
بضل أحكي بالناقص وهي بتضلها تطرحني
وكل ما أفكر أسكر كلشي وأبطل شغلي
بصفن لـ لحظة بحالي وبتزكر لبكرهني
قل لي ايش بتشوف؟ اي حروب بتوصفني x2
دودكس:
برفع إصبع كل م ذكرى تضرب تخسى أهرب
و فعالم موازي في حد حكالنا بكرا أصعب
محدش بعرف كمن بعصة وكم سكين فخصرك
خطوة بخطوة طلعنا الدرج معرفناش المصعد
عكس العنب في الصغر حلوين ولما نكبر حصرم
لا تبعد عن الشر وتغني روح قرب وأرقصلو
إحنا اللي بنقلب ع القدر لما نتدايق من عزفو
صفنت أفكر بإجابة بس سألت ليه بتصفن
مان هات أسكب ،
بشربش لينسى يا دوبو متذكر إسمو
شايف الكل حجارة فمقضيها ينط ويفشق
راح جداره وضل مسمارك عرف إنو قيمة صحابو زادت لما نقصو
نفسو يمضغ الأيام اللي مدايقتو ويبزق
أو يصير سايق جرافة ويهِّد كل حيط لبسو
يفتح باب فراسو ويطلع أفكارو تركض
لما تكون تيكيت خسرانة ما رح تربح شو ما تقشط
