[Verse 1: Lo & Leduc]
Me gseht ne ihnecho
Wyssi Hose, Sydestoff
Hemmli off, mitem Stock
Siuberchnopf, wine Boss
Ids Commerce wi der Matter, Motor ratteret slow-mo
U är hängts i de Matte, gspannet zwüsche me
Junkere 37 Sohn und eme fin de siècle Fattee
Hofmannsthal-Schinken u de Biermann-Platte
Ehm, ni so sys, weisch, im gfaue di Schnöiz nid
U dr anger het sech z’viu vorgnoh, für soviu Vornäme
Immerhin e Vornähme
Fyyni Stoffnastüechli mit de Näme u de Träne vo dene Dame
No paar Runde, paar Pflaschter für die Wunde
Paar Rahme, für di Dame vomene ganze Jahrhundert
Är het zahlt, für ihn ischs itze gratis
Nach hundert Jahr lahsch du ds Füfi la grad si
Grad, wi si Gang, me ne grüesst, i de Gasse
Vor luter Gschichte merke, d Näme vergässe

[Hook: Leduc]
Wieso sött är di kenne? (Wieso, wieso)
Fingsch ihn e geile Siech, är kennt vili vo dene
U wieso sött är mitrede? (Wieso, wieso)
Lug we du e Frag hesch, de frag ihn u süsch frag haut kene
Wieso sött är di kenne? (Wieso, wieso)
Fingsch ihn e geile Siech, är kennt vili vo dene
U wieso sött är mitrede? (Wieso, wieso)
Lug we du e Frag hesch, de frag ihn
[Verse 2: Lo & Leduc]
Me gseht ne ihne cho
Hornbrülle, riisegross
Zwöireiher, Siuberchnopf
Mit der Melonen ufem Chopf, ohh
Wieso sött är bis zu der Zytglogge cho?
Ussedrann isch scho ds Land, ungeri Autstadt, riisegross
Yeah, me weiss waser trinkt, me weiss won ärs trinkt
Är hockt am chlyne runde Tisch, dert im Egge grad linggs
Macht keni grosse Sprüng meh, doch sini Sätz göh no wyt
U was är mau het proletet, wird es Bonmot mit der Zyt
U rede sy über di Stadt, de vo de Meuron oder Dürrematt
Aber nid über dä Typ, wo füfzg Jahr lang d Nächt het düre gmacht
Drum faus du ihn mau gsehsch, de frag ihn, wis ihm geit
Ds Gedächnis vor Stadt sitzt ire Beiz

[Hook]
Wieso sött är di kenne? (Wieso, wieso)
Fingsch ihn e geile Siech, är kennt vili vo dene
U wieso sött är mitrede? (Wieso, wieso)
Lug we du e Frag hesch, de frag ihn u süsch frag haut kene
Wieso sött är di kenne? (Wieso, wieso)
Fingsch ihn e geile Siech, är kennt vili vo dene
U wieso sött är mitrede? (Wieso, wieso)
Lug we du e Frag hesch, de frag ihn
[Bridge: Leduc]
U rede sy über di Stadt, de vo de Meuron oder Dürrematt
Aber nid über dä Typ wo i füfzg Jahr lang d Nächt het düre gmacht
Är het se düre gmacht, yeeah
Drum we du ds Glück hesch, ihn z’gseh, de frag ihn wis ihm geit
Wüu ds Gedächnis vo dere Stadt sitzt inere Beiz, inere Beiz

[Hook: Leduc]
Wieso sött är di kenne? (Wieso, wieso)
Fingsch ihn e geile Siech, är kennt vili vo dene
U wieso sött är mitrede? (Wieso, wieso)
Lug we du e Frag hesch, de frag ihn u süsch frag haut kene
Wieso sött är di kenne? (Wieso, wieso)
Fingsch ihn e geile Siech, är kennt vili vo dene
U wieso sött är mitrede? (Wieso, wieso)
Lug we du e Frag hesch, de frag ihn

[Outro: Leduc]
Wieso, wieso?
Wieso, wieso?
Wieso, wieso?
Wieso, wieso, wieso, wieso?