[Songtext zu „Engel vun Linie 8“]

[Strophe 1]
Endlich jeschaff
En d'r Bahn erus us d'r Stadt
Fix un fäädich vum Daach
Noch met einem Auch waach
Jäjenövver vun mir
Do stunds du, luurts verdräump us d'r Düür
Minge Blick kläävten aan dir
Wor vum Donner jerührt

[Pre-Refrain]
Eine Blick, alles bliev stonn
Als ov Sekunde wie Johre verjonn
Dann jingk de Düür, ich luurten dir hingerher
Un dann wor alles leer, uh-woah-oh

[Refrain]
Hätt ich doch bloß dä Moot jehatt
Un noh dingem Namen jefrooch
Jetz söök ich di Leech in jeder Naach
Minge Engel vun Linie aach

[Strophe 2]
Andere Daach, dieselve Zigg
Vielleicht bеs du do? Vielleicht han ich Jlöck
Doch ejal, wiе lang ich och waad
Kein Linie aach
[Pre-Refrain]
Jestriche, einfach esu
Die Linie aach un domet och du
Sull et dat jetz jewäse sin?
Dat nemm ich nit hin, uh-woah-oh

[Refrain]
Hätt ich doch bloß dä Moot jehatt
Un noh dingem Namen jefrooch
Jetz söök ich di Leech in jeder Naach
Minge Engel vun Linie aach
Hätt ich doch bloß dä Moot jehatt
Un einfach ens hallo jesaht
Jetz söök ich di Leech in jeder Naach
Minge Engel vun Linie aach

[Bridge]
Noch Moonde späder jeihs do mir nit us'm Sinn
Ich stonn am Nüümaat un die Sibbe fährt in
An et Schicksal, do jläuv ich nit aan un für sich
Doch die Düür jeiht op un dann sinn ich dich

[Refrain]
Endlich han ich dä Moot jehatt
Un noh dingem Namen jefrooch
Do bes mi Leech in jeder Naach
Minge Engel vun Linie aach
Endlich han ich dä Moot jehad
Un einfach ens hallo jesaht
Do bes mi Leech in jeder Naach
Minge Engel vun Linie aach
Minge Engel vun Linie aach