[Songtext zu „Ävver et Hätz bliev he in Kölle“]

[Strophe 1]
Du wods jebore, he en dinger Stadt
Et es en janze Zigg ald her
Un wenn et dich och ens rusjetrocke hätt
Feel dir dä Affschied immer schwer
Du jings dann op de Reis, e Johr lang durch de Welt
Un häss su manche Fleck jesinn
Un manchmol blievs du och länger fott von he
Weil do de Sun jet öfter schingk

[Refrain]
Ävver et Hätz bliev he en Kölle
Ejal, wohin et dich och trick
Ävver et Hätz bliev he en Kölle
Denn nur he es et om räächte Fleck

[Strophe 2]
Manch einer sät sich: „Jung, ich muss he rus
Mir wed et he ald jet zo eng“
Ens noh Amerika, oder och ens noh Hawaii
Nur mit 'nem Büggel en de Häng
Hä schrief dann Kaate un meint: „Jung, he es et schön
He willste niemols widder fott“
Verzällt jän allen: „Dat musste och ens sin
Dat meint sojar dä leeve Jott“
[Refrain]
Ävver et Hätz bliev he en Kölle
Ejal, wohin et dich och trick
Ävver et Hätz bliev he en Kölle
Denn nur he es et om räächte Fleck
Ävver et Hätz bliev he en Kölle
Ejal, wohin et dich och trick
Ävver et Hätz bliev he en Kölle
Denn nur he es et om räächte Fleck