[المقطع الأول]
أي زحمة تشوفها هتلاقي صوتها مزعج
تيجي تجيب هدايا عشان تبقى منتج
كلامي نصه مُربك، تشوف دي إزازة
أدب صابعي في عينك وأقول دي غلاسة
مش أنا الكائن ده بشوكة وكماشة
بأكل دبانة وكلامي ده مش تافه
بلعب ڤيڤا عشان مش فاضي أشتم
رجعت ريما ومش هتبطل تتمسكن
شايل ألوان في دماغي، مش بفتكر زمان
معلي المزيكا ع الآخر، يابا طز في الجيران
رايق، تشوف الغروب في عينيا
كل يوم نفس العيون بتبص عليا

[فاصل]

[المقطع الثاني]
واقعي مش متشائم
قدرني مش فاهم
عـ اللمبة بشاور
ومش مجبر أجاوب
فراشة بتطلع من ودني، شافوها وخافوا
عندها خدين وقالتلي إنهم عايزين يتباسوا
‫غيرت الشعار مابقاش مزيكا Skate
طز في النوم
ولو في يوم حبيت أحرك الكوكب
لا بلاش مبالغة
أنا عمري ما أبقى مهتم
بفكر من غير برشام
بضيع وقتي في الكلام
وأسوأ إحساس بالنسبالي
إنك تفكر في أسوأ إحساس
شنطة أوهام
هتبيعها بكام
هشتري في مزاد
كده هيقولوا بيهيس بس قشطة
بتكلم زي ما بغني وعنيا لفوق
مش لازم تلعب جمباز عشان تفكر برا الصندوق