[المقطع الأول]
لما تبقى الدنيا قاسية وشفت واحد كان بيضحك إبقى ركز
كان بيضحك بعد فرحة ولا من كتر العذاب
وأما وسط الزحمة تلمح حد طول الوقت ساكت إبقى ركز
هو ده سكوت حد رايق ولا ده سكوت إكتئاب
لما تبقى الدنيا قاسية وشفت واحد كان بيضحك إبقى ركز
كان بيضحك بعد فرحة ولا من كتر العذاب
وأما وسط الزحمة تلمح حد طول الوقت ساكت إبقى ركز
هو ده سكوت حد رايق ولا ده سكوت إكتئاب

[اللازمة]
طب لعلمك أيوة بضحك بس من كتر العذاب
طب لعلمك برضه ساكت بس ده سكوت إكتئاب
قلبي شايل جوة مني هم لو هو اللي شالني
أكيد هكون فوق السحاب
طب لعلمك أيوة بضحك بس من كتر العذاب
طب لعلمك برضه ساكت بس ده سكوت إكتئاب
قلبي شايل جوة مني هم لو هو اللي شالني
أكيد هكون فوق السحاب

[المقطع الثاني]
اللي برة ساعات كتيرة بيبقى مش زي اللي جوة
يعني ممكن تبقى ع الوش إبتسامة بس جوة القلب ويل
يعني عينك تبقى شايفة الشيء وعكسه وهو هو
يعني ممكن يبقى نور الدنيا طالع بس ناس شايفينه ليل
[اللازمة]
طب لعلمك أيوة بضحك بس من كتر العذاب
طب لعلمك برضه ساكت بس ده سكوت إكتئاب
قلبي شايل جوة مني هم لو هو اللي شالني
أكيد هكون فوق السحاب