[Intro]
Geister husched us de Höf
Normale Abig ide Stadt
Geister husched zrugg id Höf
Blaus Liecht schiint, überall

[Verse 1]
Ich bin 12i oder 13i
Unterwegs mitem homie usem Gymi
Mini Haar lang, hanged is Gsicht
Sis shirt smells like teen spirit
Er hät 25, ich ha 25
Macht en 50er, mir wänd rauche
D’Konradstrass gseht lausig us
Ganz normal i eusne Auge
Sie chunt z’fahre uf neon blades
Mal luege was sie bringt
En Würfel us Alu, grüene Marok
Zahlugge blitzt wenn sie grinst

[Verse 2]
Sie frägt isch das alles, will siе hät alles
Würklich alles
Gseh d’Ärm, will nöd starrе
Merci, mir händ alles
Und sie dreht sich uf de skates und rollt d’Gass durab
20 Meter, nächste stop, sie fahrt nöd allzulang
Nervösi Tänz ufem Trottoir
Die immerglichi Choreo am Strasserand
Zrugg im Bus, hinterste Sitz
Fiirabig shuttle wo sich alles mixt
Zwei Kids zwüsched ghetzte Blick
Ich lueg durd Schiibe
[Outro]
Geister husched us de Höf
Normale Abig ide Stadt
Geister husched zrugg id Höf
Blaus Liecht schiint
Überall

Blaus Liecht schiint
Geister husched us de Höf
Blaus Liecht schiint
Geister husched zrugg id Höf
Blaus Liecht schiint
Geister husched us de Höf
Blaus Liecht schiint