[المقدمة]
باين إنك ما عملتش مجهود

[المقطع الاول]
السنة دي ضاعت إنفرادة وما جاليش عروض
يوم مع يوم بتزيد ضغوط، مافيش هروب
باصص من بعيد من عواميد حديد
نزلت في الترتيب قلتلهم ربنا يبارك ويزيد
بسمع أخبار إنكو بتتقدموا وبطفي الراوتر
حالياً شغال في حوار أهم من إني أوصل
محتاج أفضل مركز، كل اللي في دماغي فوضى
من صغري عندي وَش وراسي بتشوشر
جوة الفصل كنت أفضل سرحان في الكرة الأرضية
مدرسيني كرهوني عشان عندي شخصية
قضيتها تسلية في الحصص، كلامهم جاش مقاس دماغي
طالب فاشل طول حياتي، واخد بالي ومش فارقالي
المستر حاول ينصحني عنده في المكتب
قلتله إنت بتضيع وقتك
عايزني أعملك قيمة؟ وتسوقلي فيها؟
كده كده غروري ما يسيبنيش أقبل هزيمة
سيبك من كلام النت والردود على الآراء
أنا شايف نفسي أحسن واحد هنا ع الإطلاق
من غير مبالغة وكلمات فارغة
ذكائي في حتة تانية خالص والمنافسة عارفة
يمكن دلوقتي أنا مش في المكان اللي كنت بتمناه
وبصراحة دي كانت غلطتي إلى حد ما
مكروه من ناس فاكرة إني عيل سطحي متدلع
هبقى أشوف قصتهم إيه لما نتجمع
[اللازمة]
بس ع المدى الطويل هنيم الكل ع السرير
شهرة وحريم، معارف وهيبة وفلوس كتير
بطل تحوير، مين فارقله حد غير نفسه
بطل تحوير، جو المشاعر قديم وفاقسه
ع المدى الطويل هنيم الكل ع السرير
شهرة وحريم، معارف وهيبة وفلوس كتير
بطل تحوير، مين فارقله حد غير نفسه
بطل تحوير، جو المشاعر قديم وفاقسه
دي الخلاصة، دي الخلاصة
دي الخلاصة، ماشي
دي الخلاصة

[المقطع الثاني]
هبين نفسي دبلوماسي وأطلع مُستفاد
لو إتسألت في البار اللي فات هقول ده مجرد تراك
إنت مش حاسس إن كلها شغالة في بعض قتل؟
طيب ما تجيش بعد سنة تعيطلي وتقولي غَدر
ما بجيبش بنت القعدة لو ناس معينة قاعدة
بمعنى إن التعلب حتى لو صاحبك برضه تعلب
ولو تعلب عادي ممكن برضه أفضل معاك ع الخط
في التعامل هتشوفني بعمل زيك بالظبط
لو هتتنك ممكن عادي أعيش دور الفنان
لو راجل هقول معاك في أي موقف مهماً كان
وعامةٍ مش هتخدع غير هي مرة
هقطع الحبل ومش هيجيلك فرصة حتى تبرر
الناحية التانية أعدائنا باصين ومركزين
بيتريقوا وبعد ساعة الناس بتنسى هُما مين
الهدف الإحتكار وإهانة الخصم
جوايا العزيمة بس نادر ما ركزت
قولهم حان الأوان يا ولاد لدفع الضريبة
بقولها بعد ما جربت بكذا طريقة
حاولت بس والله يابني ما جت بالطيبة
خلاص دلوقتي قافشة معايا ودماغي دي مصيبة
أنا راجل بدرس مهماتي كويس بالمسطرة
ومش هيفرقلي في حساباتي إنك جبت ورا
كلام لأي طرف، ده مش كلام منظرة
ومش بقول كده عشان براب ونظام افورة
[اللازمة]
بس ع المدى الطويل هنيم الكل ع السرير
شهرة وحريم، معارف وهيبة وفلوس كتير
بطل تحوير، مين فارقله حد غير نفسه
بطل تحوير، جو المشاعر قديم وفاقسه
ع المدى الطويل هنيم الكل ع السرير
شهرة وحريم، معارف وهيبة وفلوس كتير
بطل تحوير، مين فارقله حد غير نفسه
بطل تحوير، جو المشاعر قديم وفاقسه
فدي الخلاصة، دي الخلاصة
دي الخلاصة، دي الخلاصة