[المقدمة]
آه، آه، آه
يا-يا-ياه، آه
آه، آه، آه

[اللازمة]
البوصلة ضاعت في المحيط
رسمت الطريق من أول وجديد
التشابه بين الفجر وغروب الشمس بالنسبالي كان شيء غريب
حياة وموت، زائد سالب
بين الإتنين، إنتي في عالم تالت
عمر طويل بس في ثانية خانك
لو رجعت بينا زي ما كانت
بصيت لفوق، عملت فحص
موّت جوّة نفسي كذا شخص
مافيش حد فينا ما بيغلطش
أنا وضميري في مسابقة رقص
أنا بحاول أفتكر كل الليالي اللي ساحت في بعض
أيامها دنيتي كانت سهلة بس أنا اللي فضلت مصمم ع الصعب

[المقطع]
بحر كبير، مش عامل صوت
نور القمر سايح على الموج
بنموت من الخوف، بنخاف من الموت
كلها شوية ونطلع على فوق
ده اللي عندي، ده اللي عندي
ناس كتيرة ما بقتش جنبي
هما المفروض كانوا يشيلوا عني
مبين لهم إن الدنيا بمبي
عايزين يقروني زي الكتاب
فإديت لنفسي شوية تعليمات
وش بدون أي تعبيرات
مطبات، ملفات
الناس دي عاملة زي البلالين
حابس جوة نفسي مساجين
وسط الزحمة نسيتلك أنا مين
حاسس إني لوحدي وسط الملايين
ملامحي إختفت، مخي إبتدا يسيح
والبطاقة طارت مع الريح
مافيش مستقبل، مافيش تاريخ
في دلوقتي، عايز أعيش
عايز أعيد، عايز أتحول
بقولها كتير وبتتفوت
عايز أحس إن في شخص إتكون
عايز ألعبها تاني من الأول
مصيبة لو فضلنا زي ما إحنا
قضينا وقت طويل ليلاتي بنحرق
بدأت أتغير وأنا في نص الرحلة
فهمت نفسي وأنا في قلب الوحدة
بنيت لنفسي مراية جديدة
شمس بعد ليلة طويلة
جِهزت وطلعت ع السفينة
بس الدنيا دي غريبة
[اللازمة]
أصل البوصلة ضاعت في المحيط
رسمت الطريق من أول وجديد
التشابه بين الفجر وغروب الشمس بالنسبالي كان شيء غريب
حياة وموت، زائد سالب
بين الإتنين، إنتي في عالم تالت
عمر طويل بس في ثانية خانك
لو رجعت بينا زي ما كانت
بصيت لفوق، عملت فحص
موّت جوّة نفسي كذا شخص
مافيش حد فينا ما بيغلطش
أنا وضميري في مسابقة رقص
أنا بحاول أفتكر كل الليالي اللي ساحت في بعض
أيامها دنيتي كانت سهلة بس أنا اللي فضلت مصمم ع الصعب

[الخاتمة]
أنا بحاول أفتكر كل الليالي اللي ساحت في بعض