[المقطع الأول]
تخيل لما تكون ماشي غلط وكل الناس حواليك عارفين
بس كلامهم كله نفاق (كمل أجوكر) مش معترضين
ولما تفوق وتعمل ألبوم وتسمع حبه يزعلوا منك
علشان عايز تعلى بفنك وهما لسه ما زالوا نايمين
خلوني مريض وبهين الكل، شايفهم قد حبوب الرمل
شتيمة بتزيد وكل يوم تهديد، يرفعلي سلاحه وارفعله العقل
يا عبد يا غني فوق مش هتكون، في يوم مسموع طول مانا موجود
مين هيسيب الراب ويروح، لواحد ناقص ناقصة حروف
أنا عايش علشان أكون مش زيك مجهول
ما هو مش معقول نحرق في كلام ميخشش عقل وكل الناس عاقلين القول
أنا عايزك منك غنوة تقول إن اللي قايلها راجل مظبوط
إنت مش موجود، فإزاي هتسود، لو موتنا مجالكوا ورانا هيموت
سيبونا عايشين علشان نعمل لمجالكوا اللي إنتوا بتحلموا بيه
هتبصلي في اللي أنا فيه، وإنت أساسا هوا، فهبص لمين
وإنت يا ديفيل ثقافة إيه، فين الثقافة في اللي بتغنيه
أنا قولت الحلم وأمه المليار، وإنت مسحول في إن التراك بخمسين

[اللازمة]
الموت هيفرق عندي في إيه وأنا كل حاجة في الكون قتلاني
هتموت إيه في واحد الناس بتنده إسمه لواحد تاني
الهوا اللي إحنا بنتنفسه طالع من كون غلطان
طالع من أرض شايلة ناس على كتافها الشيطان
جرب تعيش في بيئة تخلي مشاعر قلبك جافة
مفيش يوم يمنعك عن غلطاتك، حتى اللي خافها
هتلاقي نفسك واقف بطولك في الحياة
سادد عين التخين في الدنيا من أي إتجاه
[المقطع الثاني]
‫خد هنا يالا الـ Beat ده Free وريني اللي إنت قولت عليه
‫غنيلي بـ Flow يوديني لـ Level ما أقدرش أعديه
أنا هنا مستنيك عشان أوريك إنك مهما هتعلى هعديك
كلها بتشوف إنك من الخوف بتموت علشان معروف أنا مين
أنا كل مادا بعلى لفوق، في رقبتك طوق، في رجلي مربوط
‫فأنا بعلى، بتعلى الـ Fans سمعنا وقرر مين فينا المظبوط
كلمني عن تراكاتك غنوة في شرق وغنوة في غرب
أنا تراكاتي كلها بتعبر عني، أنا قصه وحياتي حرب
يا اللي مش حقيقي، أنا حقيقي، تخيل لما هتيجي في طريقي
هجعل منك عبره يشوفها عدوي وقصه يقولها صديقي
مهما يزيد عددكوا أنا أهو، بدايتي الفعل آخركوا البوق
شايف نفسك فوق هتفوق أول ما يروح مفعول الجوب
أنا بتاع كلمات وتشبيهات، تقريبا بتكرع بانشات
أكتب كلمات يقولوا فلوهات، أعمل فلوهات يقولوا كلمات
أعمل الإتنين، يعملوا حكايات، أعمل حكايات، يقولوا مفاوضات
أبعد عنهم بتقولوا خايف، أقتل فيهم بتقولوا تفاهات

[اللازمة]
الموت هيفرق عندي في إيه وأنا كل حاجة في الكون قتلاني
هتموت إيه في واحد الناس بتنده إسمه لواحد تاني
الهوا اللي إحنا بنتنفسه طالع من كون غلطان
طالع من أرض شايلة ناس على كتافها الشيطان
جرب تعيش في بيئة تخلي مشاعر قلبك جافة
مفيش يوم يمنعك عن غلطاتك، حتى اللي خافها
هتلاقي نفسك واقف بطولك في الحياة
سادد عين التخين في الدنيا من أي إتجاه
[المقطع الثالث]
أنا أستاذ إنت إسكت خالص، أنا إنجاز إنت لسه ناقص
هدوس ع الزناد هقلبك زينات، كلام هايف من رابر سايص
تخيل لما الإسكوت خالص يقولك إن رابو ده ثقافة
تحس كإنك يا عقلك ناقص يا إما الجبهة دي بالعه سخافة
ممكن أقول زي ما بتقول، أنا أعمل كل ما هو معمول
لكن إنت يا صاحبي في شغلك عيل بتريل على أي فلو
في ناس تانين مش فاهمين، في الفلوهات فبقوا مش مقتنعين
وفر الثقافة في إنك تعرف إنت بتكتب إيه ولمين
أنا ممكن أعيش بعمل صواريخ، وأجريلك وأملي الكون بصريخ
تتبسط إنت، لكن العامة لكلام الحق هيبنوا ضريح
أنا وإنت كنا في نفس الليفيل واقفين متنافسين
أنا أغني وإنت تغني، أدي التراكات والناس سامعين
إشمعنى أختاروا يوسف جوكر؟ إشمعنى شافوكوا مالكوش عوزه
الناس عارفه بتسمع إيه، والفكر الصح يركب الموضة
عايز تكسب تعاطف الناس وبتدعي للم الشمل
وإنت مشير ديس عليا وأنا بتشتم فيه بالأهل
وأما أديتك على عينك أختارت تعيشها عاقل ورزين
في ديس الشيطان قولتلك كبيرك تبقي الراجل رقم إتنين
أنا واخد منك كل ما تملك مبقاش ليك غير الفلوهات
اللي أنا بعملها وأنا بفري ستايل، لو ناسي شوف الفيديوهات
عمرك ما هتسلك طول ما بتحلم تخترق جداري
أنا بره الملعب بلعب بيكوا عيشوا مع بعض إنتوا في الأتاري
اللي مش هيحترمني هغصبه يخاف مني
كلامي سيف أنا اللي عامله عشان يدافع عني
[اللازمة]
الموت هيفرق عندي في إيه وأنا كل حاجة في الكون قتلاني
هتموت إيه في واحد الناس بتنده إسمه لواحد تاني
الهوا اللي إحنا بنتنفسه طالع من كون غلطان
طالع من أرض شايلة ناس على كتافها الشيطان
جرب تعيش في بيئة تخلي مشاعر قلبك جافة
مفيش يوم يمنعك عن غلطاتك، حتى اللي خافها
هتلاقي نفسك واقف بطولك في الحياة
سادد عين التخين في الدنيا من أي إتجاه