[Testo di "Sciummo"]

Tu scinne
Sciummo, sciummo, sciummo
Da 'a muntagna
I' scénno
Ca 'na malasorte
Mm'accumpagna
E ghiammo, ohé!
Chi perde ammore va cercanno 'o mare

Tu cante:
"Tòcche, tòcche, tòcche"
Spaccalegna:
"'A saccio
Nun ce sta 'na vócca
Cchiù sanguégna"
E ghiammo, ohé!
Chi perde ammore va cercanno 'o mare

Campana
Ca suone 'a copp'a 'stu cunvento
Tu, tu siente
Ch'ha fatto chella faccia 'e santo?
Ajére, 'mbracci'a me, 'nu svenimento
Stasera vasa a n'ata e se n'avanta
Ojé, comme
Sona lenta e triste
'na zampogna
Ca scénne
"Sciummo, sciummo, sciummo"
Da 'a muntagna
E ghiammo, ohé!
Chi perde ammore va cercanno 'o mare
E 'nfunn'o mare s'arreposa 'o core

Tu scinne
"Sciummo, sciummo, sciummo"
Da 'a muntagna