[المقطع الأول]
الانتقاد مش عيب العيب إني ماسمعش
حاضر سمعت بس عقلي ماقتنعش
بيحاولوا يشككوني في نفسي بحط نفسي فوق الشك
بيكرهوني في حلمي فمش هقوله لأي حد
هات سطر وقلم هطلّع من الألم أمل
معيش شهادة بس الناس تشهد إني علم
ياما قالوا حظي ماشي بيا برده ماتتسواشي
الدنيا كانت مقلوبة فبنعدلها قولوا ماشي
بالأفكار في حتة تانية وإنتوا حتتكم ماجاتش
بالأغاني إحنا نقول معاني وإنتوا كله عكش
لو فاكرينها خناقة يابني القادر بينفذ مايقولش
في ضهري كله ميكروفون في وشي هوس هوس
ع الناس دي تعمل كوتش ع اللافف مابتبرومش
عيونك مابتسترش، مابتسترش
الأغاني مش كلام سريع عوجه لسان ورص
تعرف تقول كلام تنطق باللي الناس حاسينه
تعرف تقدم أعلى من اللي الناس مستنيينه
عك عك كلام كتير وحك
أنا فارس فك اللجام عمله حزام بجلد بيه اللي شك

[اللازمة]
المدينة إحنا ملوكها باللي فيها بنملكها
المدينة إحنا ملوكها باللي فيها بنملكها
المدينة إحنا ملوكها باللي فيها بنملكها
المدينة إحنا ملوكها باللي فيها بنملكها
[المقطع الثاني]
رابكم اللي عادي مكرر اعتيادي
ثبت المزيكا والموضوع غير الأسامي
لو صوتي بينيمك أبقى ستوري تيلر شاطر
جاضض إنت طول الوقت وعلى فكك ضاغط
كده إنت جامد يلا لأ وغامض
مفيش صايع محتاج يحكيلك إنه بكفه طابع
على الوشوش والناس ودايس ع المجال وطالع
اتواضع، اتواضع
اسمع مني يابني أهدى وقول حاضر وطايع
مركز رابع كل المجال ده
أول تاني تالت ليا وحدي من انهاردة
أوكامي ده تمامي
أنا في مصر ساموراي أغاني
لحظة أوكامي يعني ديب بالياباني
تحية لساري هاني وأنس اللي جاني
من أمريكا يصور الفيديو بسرعة وراجع تاني

[اللازمة]
المدينة إحنا ملوكها باللي فيها بنملكها
المدينة إحنا ملوكها باللي فيها بنملكها
المدينة إحنا ملوكها باللي فيها بنملكها
المدينة إحنا ملوكها باللي فيها بنملكها