Hann ajmil iga winnek a walli mi tteyamaṛt, tiwi ten
Imma lxir iga winnek, a Mulana, tesker t aɣ taɣamat

A tayri tezri lliɣ temmim imma tenwa talayt
Lɛahd ur iga ṣṣaḥt, nniɣ imil is necrek tamunt
A yan ikabern sslam inu s ufuss ura iwaliwen
Ur neẓḍaṛ ad asiɣ taɣufi ɣ ul inu lliɣ k myareɣ
Ma mi tega tebḍit a(d) nemun as ak nniɣ, ili lɛaqqel nnek !
Ikut man agu rad teḥnnut nera ɣ ass-ann a(d) as neḥiyyel
Ad nezri taggwat n lfreḥ ur a(r) ten ttasi iýaṛifen
Bab n lmaḥabba lli teram nna wa f tteresentt wallen nnek
Wanna ka teẓeṛit inna ak ittini ixf iṭtaf tifawt
Rad kwen tutt tagat n kra, meskin, iɛmmeṛ s-iwen nniyt
Yan iɣ sul meẓẓiyn isker mamnek i ussan a(d) as imimen

Ur d imikk
A giɣ agḍiḍ n lbṛeý anniɣ tifawt
A macc ur nufi lbab lliɣ ra(d) neffeɣ
Ad nenna i walli f neṛbba tasa, riɣ k
Nusi lhemm nnes, neggal ur ten neffaleɣ
A wa ha yyi nkrez lḥubb, nessus nniyt
Sseneɣ is iga ɣ-id lmakan nnes
Wa tiṭṭt inu iɣ am d-azzuren imṭṭawen
Ad tissent lmktub is a(r) tteṣṣwwaben
Nekka tt inn nemmaɣ ad ur (??) f ul inu
Ass lliɣ yufa w-ad ran yawi ten