Illa yyi usafar ɣ nger si(n) iwaliwen
Illa yyi ɣ nger yyih d uhuy, ma ɣ ra(d) namen ?
Bab n lɛaqqel kad ur ittemrratn
Ar as ittebayan ṛṛiy lli ur iffuɣn
Ur a(r) nn-itteɣawal ignwan s ifassen
Hann iẓṛan gaddan ad tera luqqt
Iɣ ira ad ibidd uɣwrab a(r) f ak sawaleɣ
Imikk n ṣṣber d lḥubb iɣ illa laṣl
Ad d-issimin tudert ula ṛṛaḥt

Illa yyi usafar ɣ nger si(n) iwaliwen
Illa yyi ɣ nger yyih d uhuy, ma ɣ ra(d) namen ?

A talayt, iggut waḍu rad kem ssusen
Iḍeṛ-d ubluḥ ur ta jju lan tamimt
Azmez-ad, yukwi benadem lli ur isuqqn
Ad ur iseɣ ura zznezan, a(d) ur icemtt !
A taɣawsa-nna ixleḍn teṭṭaft lqqimt
A ta-lli iṣfan atig nnuntt inuqqeṣ
Idda urɣ lliɣ t nega ɣ icwariyen
Ɣ-illi s-res ira lmizan ur ten yarm
Telkem luqqt lli ur igan ad texmmamt
A walli ukan isiwingimn fek lxaṭer
Ma rad d tejmmɛat? Medden kullu ḥṛeýen
Awi ccuṛ a ya(n) siggiln s tifawt !
Wa ha wa ha wa lɣreḍ a wa
Ur g-igi ma ɣ a(r) ttilit, a lɣreḍ a wa

Ajj yyi helli tasa teḥreg a wa
Allah a kra ma f tettut laḥbab a wa ?
Yan dar atres ur iṭṭaf aḍbib a wa
Yan ɣ llan iga meskin aɣrib a wa
Ajmil iga win Ṛebbi d lktab a wa
Ur d-iwen jjmmɛaɣ, nekkin, s lkdub a wa
Iɛfa Mulana, ṣafi, ra(d) netub a wa