Tiṭṭt inu a(d) iḥgern ixf inu, ḥacaɣ itersawen
Is ifulki ɣik-a(d) ?
Inna ɣ ka teẓeṛa afulki tawit-id s tasa nu
Is ifulki ɣik-a(d) ?
Ukan ar ka temddu ṣṣaḥt inu, tayri temmnɛamt
Is ifulki ɣik-a(d) ?
Ayyis amɣdar, irwas yyi tisura n urɣ
Is ifulki ɣik-a(d) ?
Yak ur nit lgereɣ ixf inu, nasi tisura nnes
Is ifulki ɣik-a(d) ?
Nafi ten inn-ṛẓemen, itteyakar yyi sul lɛaqqel
Is ifulki ɣik-a(d) ?
Naf-nn tiguḍiwin ka sul illa ɣ tasa nu
Is ifulki ɣik-a(d) ?
D umareg nnem, a ddunit, taɣufi nnem s iqqnḍaren
Is ifulki ɣik-a(d) ?
Iɣ ijla utbir ar fell-asen talla tasa nu
Is ifulki ɣik-a(d) ?
Zund aẓṛu n ljir iɣ telkem takat ar assin