Ahh a (y) aḥbib inu ! Larzaqq bḍan aɣ

Aḥḥ a (y) aḥbib inu ! Larzaqq bḍan aɣ
Wa walaynni lqqleb ur g-ik ṣbern
A(d) k nesaqqsa ɣ ussan is ak ɛdeln
Walli k yiwin is g-ik tehllan
Is ak isker ɣ lḥayat zund nekkin
Wa nniɣ ak yad lxir iffuɣ ddunit
Wa aḥḥ wak-wak a tasa nu tebbit !
Iɣama-d ul inu zund anxdam
Wa terɣa (y) asen takat, ar ka jddern
Wa walaynni awddi ma f rad smammiɣ
Wa ṭṭemɛ ad iḍin laḥanana ɣ ger-at-neɣ
Aḥḥ ṭṭemɛ a(d) iḍin laḥanana ɣ ger-at-neɣ
Wa walli bedda teṛbbut, ar g-is tehllat
Wa iɣ ur issen s lxir, ṛẓem as, tehnnat !
Wa walaynni lqqleb ur g-ik ṣbern

Wa walaynni lqqleb ur g-ik ṣbern
Wa walaynni lqqleb ur g-ik ṣbern